ناساندن

ناساندنا بەشان

ناساندنا سەرجەم بەشێن زانکۆیێن دەڤەرا بادینان

سەنتەرێ زانکۆ کلیک بکە

1- کۆلیژا پزیشکی گشتی

ئەڤ کولیژە بلندترین کولیژا پزیشکی یە ، ل پارێزگەها دهۆکێ ل هەردوو زانکۆیێن دهۆک و زاخۆ هەیە ، ماوێ خواندنێ ل ئەڤێ کولیژێ شەش ساڵن و خاندن ب زمانێ ئینگلیزیە ، ل قوناغێن دەستپێکێ خواندنا وان ب قوناغا زانستێن بنەرەت دهێنە هژمارتن . و قوناغێن دوماهیێ خواندنا وان ب قوناغا زانستێن کلینیکی دهێتە هژمارتن ، پشتی قوتابی خواندنێ ل ئەڤێ کولیژێ ب دۆماهیک دئینیت ، دێ باوەرناما بەکەلوریوسێ ب پزیشکی وەرگریت ، خواندن ل ڤێ کۆلیژێ تا راددەکێ بلند یا ب زەحمەتە ، چۆنکی دەرچوویێن ڤێ کۆلیژێ دێ بنە نوژدار ، لەوما دڤێت هەمی تشتێن گرێدای زانستێ پزیشکی بخوینن و باش تێدا شارەزا ببن ، ل کۆلیژا پزیشکی گشتی پێنج سالێن دەستپێکێ پتر ب شێوێ نەزەری بابەت دهێنە خواندن و سالا شەشێ و دۆماهیێ قوتابی ئەوا د وان پێنج سالادا وەرگرتی دێ ب شێوێ پراکتیکی خوینیتەڤە .

2- کۆلیژا پزیشکی ددان

کولیژا پزیشکی ددان ئێکە ژ کۆلیژێن پزیشکی و ب دووەم بلندترین کولیژ دهێتە هژمارتن پشتی پزیشکی گشتی ، ئەڤ کۆلیژە ل پارێزگەها دهۆکێ بتنێ ل زانکۆیا دهۆک هەیە ، خواندن ل کولیژا پزیشکی ددان پێنج سالن و خواندن ب زمانێ ئینگلیزییە ، و پشتی ڤان پێنج سالان قوتابی دێ بیتە خودان باوەرناما بەکالوریوس ب نشتەگەریێن دەڤ و ددانا ، د ئەڤان پێنج سالان دا قوتابی دێ ئەوان بابەتێن پەیوەندی ب دەڤ و ددانا ڤە هەی ب شێوەیەکێ نەزەری و عەمەلی خوینیت ، ئانکو ئەو کەسێن دەردچن ژ ئەڤێ کولیژێ ، دێ زانیاریێن تەمام هەبن د ئەڤی بواری دا ، هەرو ەسا هەتا قوناغا سێیێ ، سەرەرای بابەتێن گرێدای پزیشکی ددان ژی ، لێ هەر هەمان بابەتێن پزیشکی گشتی دهێنە خواندن . ل قوناغێن چار و پێنج قوتابی دێ ل ناڤ نەخوشخانا زانکۆیێ دا ئێکسەر نەخوشا وەرگریت و وانێن عەمەلی ل سەر جێبەجێ کەت و وەکو نوژدارەکی دێ سەرەدەریێ دگەل نەخوشان کەت و دێ نمرێن عەمەلی بو ل سەر بو هێنە دانا ، پشتی ب دوماهی هاتنا پێنج سالێن خواندنێ ، وەکو مقیم بو ماوێ ساڵەکێ دێ ل سەنتەرەکێ ددانان دەوامێ کەت پشتی هینگێ دێ قوتابی شیانێن دانانا کلینیکێ هەبن . هەروەسا پشتی قوتابی ب دوماهی دهێت ، دشێت بۆ خواندنێن بلند وەکو ماستەرێ درێژیێ بدەتە خواندنا خۆ .

3- کۆلیژا پزیشکی دەرمانسازی

کولیژا دەرمانسازی سێیەمین کولیژە ل رێزبەندیا کولیژێن پزیشکی ل کوردستانێ پشتی پزیشکی گشتی و پزیشکی ددان ، ئەڤ کۆلیژە ل پارێزگەها دهۆکێ بتنێ ل زانکۆیا دهۆک هەیە و خواندن ل ئەڤێ کولیژێ پێنج سالن و خواندن ب زمانێ ئینگلیزییە ، و قوتابی پشتی بدوماهی ئینانا پێنج ساڵێن خواندنێ دێ باوەرناما (بەکالوریۆس ب دەرمانزانیێ) وەرگریت . قوتابی د ئەڤان پێنج ساڵان دا ب هویری دێ هەمی جورێن دەرمانان خوینیت ب شێوێ تیوری و پراکتیکی (نظري ، عملي) . پشتی ب دوماهی ئینانا خواندنێ ل ئەڤێ کولیژێ ، قوتابی دێ پێزانینێن تەمام ل دوور هەمی جورێن دەرمانان وەرگریت و دێ بوماوێ ساڵەکێ دەوامێ ل نەخوشخانا دناڤ باژێری دا کەت وەک مقیم ، پشتی ئەو سالە ب دوماهی دهێت ، دشێت بخۆ دەرمانخانەکێ ڤەکەت ژدەرڤەی باژێری . پشتی هینگێ دێ هێتە هنارتن بو ژدەرڤەی باژێری بو دەوامکرنێ کۆ ماوێ وێ دوو سالن ل ژێر ناڤونیشانێ تدرج . دیڤدا قوتابی دشێت پێشکێشی خواندنێن بلند بکەت وەکو ماستەر و دکتورایێ . هەروەسا دەرچوویێن ئەڤێ کۆلیژێ دشێن کاربکەن ل (دەرمانخانان ، سەنتەرێن ڤەکۆلینێن پزیشکی ، کۆگەهێن دەرمانان ، تاقیگەهان ، کۆمپانیێن دروستکرنا دەرمانان ...) .

4- کۆلیژا زانستێن تەندروستی

ئەڤ کۆلیژە دوو بەشان بخوڤە دگریت ، ئەوژی : بەشێ لابورێن پزیشکی (تحلیلات) ، بەشێ سرکرنێ (تخدیر) ، خواندن ل ئەڤێ کۆلیژێ چار سالن و خواندن ب زمانێ ئینگلیزییە ، ئەڤ کۆلیژە ل سەر ئاستێ پارێزگەها دهۆکێ بتنێ ل زانکۆیا دهۆک هەیە ، و دەرچووێن ئەڤێ کۆلیژێ ناسناڤێ پزیشک وەرناگرن .

بەشێ لابورێن پزیشکی (شیکارا نەخۆشیان) : ئەڤ بەشە ژ ناڤێ وێ دیارە کو یێ تایبەتە ب شرۆڤەکرنا نەخۆشیان ، ئانکو قوتابیێن ل ئەڤی بەشی دخوینن شارەزاییەکا مەزن د بوارێ تاقیگەھێن پزیشکیدا وەردگرین و دشێن ل ھەمی بەشێن تاقیگەھیدا کاربکەن ، ھەر ژ بەشێ کێشانا خوینێ هەتا بەشێن دی یێن ب ئامیرێن تاقيگەھیڤە گرێدای کاربکەن و بابەتێن ئەڤی بەشی د ھەمەجور و بەرفرەھن ، پشتی قوتابی ژ ئەڤێ بەشی دەردچیت ، دشێت ل تاقیگەهێن نۆژداری یێن تایبەت ب پشکنینێن نەخۆشیان ڤە کاربکەن .

بەشێ سرکرنێ (تخدیر) ئەڤ باشە یێ تایبەتە ب بێهۆشکرنا نەخۆشان ڤە ، قوتابیێن سرکردنێ شارەزایەکا باش د بوارێ بێھوشکرنێدا (پەنج)ێدا وەردگرن و ئەڤ بەشە گەلەک یێ ھەستیارە ، پێدڤیە بێھوشکەر ب ھشیاری رەفتارێ دگەل نەخۆشان بکەتن ، دەرچویێن ئەڤی بەشی ل نەخۆشخانا کاردکەن ژبۆ بێهۆشکرنا نەخۆشان بەری نیشتەرگەری بۆ بهێتە کرن ، هەروەسا ل چاڤدێریا چڕ (إنعاش)ێ ژی دشێن کار بکەن .

5- کۆليژا پەرستیاری

ئێکە ژ کولێژێن بلند یێن پزیشکی کو سالانە رێژەکا زور قوتابیان دڤێت ل ڤێ کولێژێ بخوینن . ئەڤ کۆلیژە ل سەر ئاستێ پارێزگەها دهۆکێ بتنێ ل زانکۆیا دهۆک هەیە و خواندن ل ئەێ کۆلیژێ چار سالن و ب زمانێ ئینگلیزییە ، ل ئەڤێ کولیژێ رێژا کورسیکێن خواندنێ بو کچان 70% یە و بو کوران 30% یە ، ئەڤەژی کار دکەتە سەر ھندێ قوتابیێن کچ ب کونمرەکا کێمتر بھێنە وەرگرتن ژ کوران ، د ماوێ ئەڤان چار سالان دا ئەو بابەتێن کو د گرنگن پەرستارا شارەزای تێدا ھەبیت ب شێوەیەکێ بەرفرەھ و ب پراکتیکی و تیوری دهێنە خواندن ، د قوناغا ئێکێ دا خواندنا وان پتر لسەر چاوانیا ئاخفتنێ و ھزرکرن د ھەمی بوارا دا ھەروەسا چاوانیا ڤەگوھاستنا نەخوشیا یە ، د قوناغا دوویێ دا پتر وان بابەتا دخوینن یێن گرێدای لەشێ مروڤی تایبەت بەرگیریا لەشی دژی نەخوشیان ھەروەسا سەرەدەری کرن دگەل نەخوشیێ ، د قوناغا سیێ دا جورێن نەخوشیا دخوینن وەکی یێن گران و بەردەوام و رویدان و چاوانیا پێشکێشکرنا خزمەتگوزاریێن دەستپێکی ، د قوناغا چارێ دا قوتابی ب زیرەکیا خو دێ رابیت ب دروستکرنا سمینار و راپورت و سەردانیکرنا بنگەهێن تەندروستی ، پشتی قوتابی چار سالێن خو ب دوماھیک د ئینن ، دێ بنە هەلگرێن باوەرناما بەکەلوریوس د پەرستیاریێ دا ، ل دیڤ بریارا وەزارەتا تەندروستی پشتی دوو سالان ژ خزمەتکرنێ ، قوتابی دشێت جھێ خویێ تایبەت ڤەکەت کو دێ تایبەت بیت ب نەخوشیێن سڤک و دەرمان پێدان ب نەخوشا و دەرزی لێدانان ، ل نەخوشخانێ دا پەرستار گەلەک کاران دکەن وەکی ، درینا برینان ، ھێلکاریا دلی ، دەرزی لێدان و کانیولە دانان و پێدنا دەرمانا بو نەخوشی و ھاریکاریکرنا پزیشکی ل دەمێ نیشتەرگەریەک ھەبیت .

6- کۆلیژا پزیشکی ڤێتێرنەری

کولیژا پزیشکی ڤێتێرنەری ئانکو پزیشکیا گرێدای گیانەوەرا (بەیتەری) ، ئەڤ کۆلیژە ل سەر ئاستێ پارێزگەها دهۆکێ بتنێ ل زانکۆیا دهۆک هەیە و خواندن ل ئەڤێ کۆلیژێ ب زمانێ ئینگلیزییە ، هەروەسا ئەڤ کۆلیژە کۆلیژەکا پراکتیکیە و وانێن زانستی یێن پراکتیکی د بیاڤێ ساخلەمی و سەرەدەریا گیانەوەران و پەیوەندیا وان ب ساخلەمی و خوارنا مرۆڤی ڤە و کارتێکرنا وان لسەر ژینگەھێ دھێنە خواندن ، ئەڤ کۆلیژە پزیشکێن ڤێتێرنەری یێن خودان شیان دەردئێخیت کو بشێن نەخوشیان دەستنیشان بکەن و پاراستنا بەرھەمێ گیانەوەری ژ نەخوشیێن ڤەگر و کونترول کرنا ڤان جورە نەخوشیان بکەن ، ژ پێخەمەت رێگرتنا ڤەگوھاستنا ڤان نەخوشیان بو مروڤان ، پزیشکێن ڤێتێرنەری چاڤدێریا سەربرخانێن گیانەوەرێن مەزن و مریشکان دکەن ، ھەروەسا پشکنینا ھاتنا ھەمی جورە بەرھەمەکێ گیانەوەری ژ (گوشت و ھێک و ماسیان) دکەن ، دیسان ب ھەڤکاری ل گەل چاڤدێریا ساخلەمی سەر ب رێڤەبەریا گشتی یا ساخلەمیێ دویڤچوون و چاڤدێریا ھەمی جھێن کاری یێن بەرھەمێ گیانەوەری دکەن .

7- كۆليژا ئەندازيارى (هندسة)

ئەڤ بەشە بلندترین بەشێ کۆلیژا ئەندازیارییە ، کەواتە بلندترین نمرە دڤێت هەتا ل ڤی بەشی بهێیە وەرگرتن . ئەڤ بەشە زێدەتر گرنگیێ ددەتە هونەری دچارچۆڤێ ئەندازیاریدا ، ئەم دشێین بێژین ئەڤ بەشە پتر بەشەکێ هونەرییە واتە بیرکاری و فیزیا کێمتر تێدا دهێتە خواند ب بەراورد بەشێن دی. ئەڤ بەشە ل زۆربەی وەڵاتێن جیهانێ دهێتە خواندن بەلێ ب شێوێ سەربەخۆ ئانکو سەر ب ئەندازیاریێ نینە . خواندنا ڤی بەشی پێج ساڵن ، و وانە پراکتیکی و تیوری دهێنە خواندن ، دیسان خواندنا ڤی بەشی پێک دهێت ژ دانانا نەخشەیێ ئاڤاهیا و کێشانا وێنێن پڕ وردەکاری ب دەست و ب کارئینانا بەرنامێن کومپیوتەری ودرۆستکرنا پەیکەران ژ کارتونی . د وان پێنج ساڵێن خواندنا قۆتابی ل زانکۆیێ؛ دێ ژمارەکا زۆر ژ پرۆژان دیزاین کەت و پاشان دێ تەقدیم کەت کو پێک دهێن ژ دیزاینکرنا خانی ، نەخۆشخانە ، ئوتێل ، ئاڤاهی و بالەخانێن مەزن هەتا باژێران ژی. پشتی ب دووماهیک هاتنا وان پێنج ساڵێن خواندنێ ، قۆتابی باوەرناما بەکالۆریۆس د ئەندازیارییا تەلارسازیدا وەردگریت ، و دشێت د کەرتێ حکومی و ئەهلی دا کاربکەت وەک ئەندازیار .

بەشێ ئەندازیاریا شارستانی کەڤنترین بەشێ ئەندازیاریە ل کوردستانێ، و خواندنی وێ چوار ساڵن ، و پشتی ب دوماهی هاتنا چوار ساڵێن خواندنێ قۆتابی دی باوەرناما بەکالۆریۆس ب ئەندازیاریێ وەرگریت. هەر وەک ژ ناڤێ وێ دیار بەشەکە پەیوەندی ب ئاڤەدانکرنێ هەیە و کارێ ئەندازیاریا شارستانی یا هاوبەشە دگەل ئەندازیارییا تەلارسازی . بەشێ ئەندازیاییا شارستانی بەرفرەهییەکا زێدەتر هەیە ژ بەشێن دی چ ژ مەجالێ خواندنێ یان کارکرنێ کو دشێن د بوارێن خانی ، ئاڤاهی ، ڕێگاوبان ، بەنداڤ ، پڕ ، پارک ...هتد کاربکەن. ئەندازیاریا شارستانی گشتیە و پێک هاتییە ژ چەند ئەندازیاریێن دی وەک: (ژێدەرێن ئاڤێ ، تەلارسازی ، ژینگەهـ ..هتد) کەواتە دەرچویێن ڤی بەشی دشێن دڤان بواران دا کاربکەن ، بەلێ ئەوێن مە بەحس کرین ئەندازیارییا وان دێ تایبەتبیت ب وی بەشی بتنێ ڤە. ئەندازیارێن شارستانی تێستا کەرەستێن ئاڤاهییا وەکی کونکریت و بلۆک و بنەکایێن فیزیایی و بیرکاری بکاردئینن بۆ هژمارکرنا پەستانا لسەر ئاڤاهی داکو پشتراستبن پەیکەر و دیوارێن ئاڤاهی نا هەڕفن ل ژێر پەستانا دەرەکی . ئەندازیارێن شارستانی دڤێت گەلەک دهشیاربن پتر ژهەر ئەندازیارەکێ دی چونکی خەلەتییەکا بچیک دبیت ببیتە ئەگەرێ هەڕفینا ئاڤاهی و گیان ژ دەست دانا چەندین کەسان.

ل ڤێرێ پرسیارەک گەلەک دهێتە کرن جیاوازی دناڤبەرا ئەندازیاریا شارستانی و تەلارسازی چییە؟
ئاڤاهی دەمێ دهێتە ئاڤاکرن پێدڤی ب هەردوو ئەندازیارا هەیە ، ئەندازیارییا تەلارسازی گرنگیێ ب دیزانا هونەری یا ئاڤاهی و دووری و بۆشایی و استغلالکرنا رووبەرێ ئاڤاهی ددەت دگەل لڤینا خەلکی دناڤ ئاڤاهیدا و چەوانییا دانان جهێن گۆنجایی بۆ دەرگەها و پەنجەران . بەلێ ئەندازیارییا شارستانی گرنگیێ ب دیزاینا پەیکەرێ چیمەنتۆ و دنگا و ستوونا ددەت ، هەروەسا دیارکرن و پاراستنا ئاڤاهی ژ پەستان و گرانیێن دکەڤنە سەر. جیاوازییەکا دی ئەوە ئەندازیارییا تەلارسازی بتنێ گرنگیێ ب دیزاینا ئاڤاهی و بالەخانا ددەت ، بەلێ ئەندازیارییا شارستانی ژبلی ئاڤاهی و بالەخانا؛ کارێ بەنداڤ و ڕێگاوبان و ..هتد دکەن.

بەشێ ئەندازیاریا کارەبا و کومپیۆتەر بەشێ دووێ یە ل کوردستانێ هاتییە ڤەکرن پشتی ئەندازیارییا شارستانی ، ئەڤ بەشە یێ تایبەتە ب خاندنا بنەمایێن کارەبێ و ئامیران و کومپیۆتەری ، خواندنا ل ڤی بەشی چوار ساڵن و پشتی دەرچوونێ ژ کولیژێ باوەرناما بەکالوریۆس وەردگریت و دشێت کەرتێ حکومی و ئەهلی دا کاربکەن وەکی سەرپەرشتیا پرۆژێن کارەبێ ، سەرپەرشتیا وێستگەهێن بەرهەمئینانا کارەبێ, هەروەسا د مەجالێ گەهاندنێ دا ژی کاربکەن. ئەڤ بەشە گەلەکێ بەرفرەهە ژبەرهندێ دابەش
دبیت لسەر چەند بەشان ژوان:

1- هێز(پاوەر): ئەڤە چەوانییا بەرهەمئینانا کارەبێ دکەت ل وێستگەهێن کارەبێ و چەوانییا دابەشکرنا کارەبێ لسەر بکارهێنەرا و بکارئینانا وزا رۆژێ بەحس دکەت.

2- ئەلێکترۆنیکس: ئەڤ بەشە گرنگیێ ب ئامیرێن کارەبیێ یێن بچیک دکەت, وەکو موبایل و کومپیۆتەر و چەوانییا دیزاینکرنا وان و بنچینەیا کارکرنا وان.

3- گەهاندن(اتصالات): بەشەکێ کارەبێیە یێ تایبەتە ب خواندنا ئامیرێن گەهندنێ وەکی تەلەفۆن و مۆبایل و ڕادار و هەیڤێن دەستکرد و چەوانییا هنارتنا زانیارییان ب ڕێکا ئامیران و ئەنتەرنێتێ. ئەڤ بەشە ل گەلەک زانکۆیا ب تنێ و وەک بەشەکێ سەربەخۆ دهێتە خواندن ژبەر گرنگی و بەرفرەهییا بابەتێن وێ.

4- کۆمپیۆتەر: بەشەکە ژ پێکهاتنا کومپیۆتەری و دیزاینکرنا ئامیرێن کومپیۆتەری ، ئەڤ بەشە یێ جیاوازە دگەل پرۆگرامسازی ، ئەندازیاریا کومپیۆتەری؛ پێکهاتنا کومپیۆتەری درۆستدکەن بەلێ پرۆگرامسازی؛ بەرنامێن کومپیۆتەری و وێبسایتان درۆستدکەن.
ژبلی ڤان بەشان چەندین بەشێن دی تێدا دهێنە خواندن وەکی: (کونترۆلا ئامیران ، ئامیرێن پزیشکی ...هتد). ب کورتی هەر تشتێ پەیوەندی ب تەکنەلوجیایێ هەبیت دچیتە دناڤ بوارێ ئەندازەیا کارەبایی.
ئەندازیاریا کارەبایی ب ئێک ژ زەحمەتترین ئەندازیاری دهێتە دانان ژبەر بەرفرەهییا بابەتێن وێ کو هەمی بیرکاری و فیزیا و بیردۆزییە و گەلەک ژ خاندنا وان لسەر وان تشتایە کو ب چاڤ ناهێنە دیتن وەکی بابەتێن شەپۆلا و کارۆموگنەکاری ...هتد ، و ئەڤ بەشە هەردەم د نویبوون و پەرەسەندنێ دا یە ژبەر پێشڤەچوونا بلەز یا تەکنەلۆجیێ.

ئەندازیارییا نەفتێ ئێک ژ ئەندازیارێن گرنگ و تایبەتینە ل کوردستانێ ، ل کوردستان و عێراق و سوریا و ئێران گەلەک قۆتابی روو دکەنێ ژبەر ئێک ژ سامانێن ناڤخۆیی کو ئەڤ وەڵاتە پشت پێ ببەستن نەفتە.
خواندنا ل ڤی بەشی چوار ساڵن و قۆتابی تێدا وانێن تیۆری و پراکتیکی دخوینن کو قۆتابی فێری زانستێن جیۆلۆجی و ئەرد و تایبەتمەندیێن نەفتێ و هەروەسا ڕێکێن بەرهەمئینان و ژێکجوداکرنا بەرهەمێن نەفتی.
پشتی دەرچوونێ ژ ڤی بەشی, قۆتابی باوەرناما یەکالۆریۆس وەردگریت ، و قۆتابی دشێن وەکی ئەندازیار د کێڵگەهـ و پاڵاوگەهێن نەفتێ دا کاربکەن.

بەشێ ئەندازیاریا میکانیک ئێک ژ بەشێن بەرفرەهە د ئەندازیاریێ دا ، ئەڤ بەشە د بوارێن (کانزا ، سارکردنەوە و هەواسازی ، مەکینە ، ترۆمبێل ، دیزاینکرنا بەرهەمان ، ڕێڤەبرنا کارگەها و ... گەلەک تشتێن دی). ب شێوەکێ گشتی هەمی بەرهەمێن پیشەسازی پێدڤیاتی یا ب ئەندازیارێن میکانیک هەیی ژ بچیکترین بەرهەم وەکی (پایسکل) هەتا تشتێن گەلەک مەزن وەکی (فرۆکە و کەشتی و ڕۆکێت).
ئەڤ بەشە ل کوردستانێ ل ساڵێن هەشتێیان دا هاتییە ڤەکرن بەلێ ل دەستپێکێ گرنگیەکا پێدڤی نەهاتبوو پێدان ، بەلێ ل ساڵێن دووماهیێ گرنگی پێ هاتییە دان و پتر قۆتابی هاتنە وەرگرتن ل ڤی بەشی ، هەروەسا زۆربەی کۆمپانیایا پێدڤی یا ئەندازیارێن میکانیک هەیی. ئەڤ بەشە بەشەکێ گرنگە چونکی هەمی ئەو کەرەستێن ئەم رۆژانە بکاردینین هەتا ئامیرێن پزیشکی ژی ئەندازیارێن میکانیک درۆست دکەن.

ئەندازیارییا بایۆمێدیکاڵ گرێدانەکە دناڤبەرا زانستێ ئەندازیاری و زانستێ پزیشکی ژبۆ پێشڤەچوونا ساخلەمیا مرۆڤی و ئامیرێن پزیشکی د خزمەتا مرۆڤایەتیێ دا . ئەندازیارێن بایومێدیکال پشتی ب داوی هاتنا خواندنا خو دشێن د گەلەک بواران دا کاربکەت ، وەکو : نەخۆشخانا و تاقیگەهان ژبو کارکرن ل سەر ئامیرێن وان و چاککرنا وان و بکارئینانا وان ، هەروەسا ل کومپانیێن تایبەت ب دروستکرنا ئامیرێن پزیشکی ، دیسان وەک ل نەخۆشخانان بو چاککرنا ئاریشێن دکەڤنە د ئامیرێن وان دا ، هەروەسا گەلەک بوارێن دی یێن گرێدای ئامیرێن پزیشکی و نەخوشخانان . بۆ زانین؛ خاندنا ل ڤی بەشی چوار ساڵن، و قۆتابی پێدڤییە ساڵێ 4000$ بدەت بۆ خواندنا ڤی بەشی ل زانکۆیا دھۆک.

8- کۆلیژا زانست

بایۆلۆجی ئانکو زیندەوەرزانی ، قوتابی ل ئەڤی بەشی دێ ل سەر تشتێ زیندی خوینیت و پێ ئێتە ئاشناکرن ، وەکی مروڤ ، ئاژەل ، بەکتریا و پروتێست وگەلەک تشتێن دی .خواندن ل ئەڤی بەشی چار سالن و ب بەشەکێ ھەتا رادەکی زەحمەت دھێتە دانان . پشتی ب دوماھیک ئینانا ئەڤی بەشی ، قوتابی دێ باوەرناما بەکالوریوس ب بایۆلۆجیێ وەگرن . دەرفەتا کارکرنێ بو قوتابیێن بایۆلۆجی گەلەک یا بەرفرەھە ، دەرچویێن ئەڤێ بەشی دشێن ل تاقیگەھێن ئەھلی و کەرتێن تایبەت کاربکەن ، ھەروەسا ل نەخوشخانێن حکومی و رێکخراوێن پزیشکی . قوتابیێ ئێکێ ل قوناغا ئێکێ دێ سالا دیڤدا ئێکسەر دێ ل پزیشکی گشتی خوینیت .

ئێکە ژ پشکێن کولێژا زانست کو خاندن تێد چار سالن ، پشتی تمامکرنا ئەڤێ پشکێ ، دەرچوویێن بەشێ کیمیایێ دێ باوەرناما بەکالوریوس ب کیمیایێ وەرگرن . دەرفەتا کارکرنێ بو دەرچوویێن ئەڤێ پشکێ گەلەک یا ھەمەجور و بەرفرەھە ، دەرچوو دشێن ل تاقیگەھا کار بکەن دگەل دەرچوویەکێ بایۆلۆجیێ ، ئەڤجا چ ل نەخوشخانێن حکومی دا یان ژی نەخوشخانێن تایبەت . بوارەکی دی کو دەرچووێن پشکا کیمیایێ دشێن کار تێدا بکەن ئەوژى کارگەھن ، زوربەی کارگەھا تاقیگەھێن کیمیای یێن ھەین لەوما پێتڤی ب دەرچوویێن ئەڤان پشکا ھەیە ، هەروەسا دشێن دگەل کومپانیایێن دەرمانان کار بکەن ، ژبلی ئەڤان بواران ، دەرچوویێن کیمیایێ دشێن ببنە ماموستا ل قوتابخانێن حکومی و ئەھلی ، دەرچوویێ ئێکێ ل قوناغا ئێکێ ل ئەڤی بەشی سالا دیڤدا ئێکسەر دێ چیتە کۆلیژا پزیشکی دەرمانسازی .

ئەگەر ئەم سەرنج بدەینە ئەڤێ پشکێ ، ژ ناڤێ وێ دیارە کو قوتابی ل ئەڤی بەشی دێ بابەتێن گرێدای فیزیایێ هەروەسا بیرکاریێ ژی خوینیت ، لەوما ئەو قوتابیێ حەز هەبیت بچیتە بەشێ فیزیایێ ، دڤێت ب بیرکاریێ یێ زیرەک بیت . قوتابی ل ئەڤی بەشی بابەتێن گرێدای فسیولۆجیێ ئانکو لەشێ مرۆڤی دخوینن ، دیسان ل ئەڤی بەشی تاقیگەهێن ئەلکترونی و کارەبایی هەنە و قوتابی ب شێوەیەکێ پراکتیکی بابەتان وەردگرن ، هەروەسا ئەو بابەتێن گرێدای چەوانیا درۆستبوون و پەیدابوونا ئەڤی گەردوونی ژی دهێنە خواندن . هەلبەت پتریا بابەتان ل ئەڤی بەشی ب زمانێ ئینگلیزی دهێنە خواندن . دەرچوویێن ئەڤی بەشی دشێن ل نەخوشخانا ل سەر تیشکێ (x-ray) كاربكەن ، هەروەسا ژبەركو خواندنا كارەبێ بابەتەکێ سەرەكییە د ئەڤی بەشی دا ، قوتابی دشێن دبواری كارەبێ ژی دا كاربكەن ل فەرمانگەهێن كارەبێ و هەروەسا دشێن ل کۆمپانیێن نەفتێ ژی كاربكەن وەک تحلیل ، زێدەباری دشێن ببنە ماموستا دبوارێ فیزیا و بیركاریێ ژی دا .

پشکا زانستێن کۆمپیوتەری ئێکە ژ پشکێن کولێژا زانست کو خواندن تێدا چار سالن ، دەستپێکا خواندنێ ل پشکا کۆمپیوتەر ب خواندن ل سەر چەند بابەتێن گرنگ دەستپێدکەت ل قوناغا ئێکێ ، کو ئەوژی دروستکرنا داتابەیس و سایتا بخۆڤە دگریت ، ھەروەسا د قوناغا دووێ دا ب شێوەیەکێ بەرفرەھتر دێ چییە د ناڤ دروستکرنا گەلەک جورێن پروگرامان دا ، قوناغ ل دیڤ قوناغێ دێ پروگرامێن زیدەتر فێربی و پتر شارەزا بی د ئەڤی بواریدا . تشتێ گەلەک گرنگ بو ئەو قوتابیێن حەز سەر بەشێ کۆمپیوتەری ھەی ئەوە ، کو قوتابی پێدڤیە بخۆ ھاریکاربیت دگەل خۆ و ل دیڤ کارێ خو بچیت و بەردەوام تشتێن نوی بگەريێت ، چونکی ل ئەڤێ پشکێ دێ رێکێ نیشا تە دەن ، لێ ئەگەر تو بخۆ ل دیڤ نەچی و بابەتێن گرنگیێ ب بابەتێن دەرەکی نەدەی ، تو نەشێی یێ سەرکەفتی بی ، پشتی چار سالێن خۆ ب دوماھیک د ئینی دێ باوەرناما بەکالوریوس ب زانستێن کۆمپیوتەری وەرگری ، دەرچویێن بەشێ زانستێن کۆمپیوتەری دشێن ببنە پرۆگرامەر ، ئانکو دشێن پروگراما دروست بکەن د ھەمی بابەتێن گرێدای کۆمپیوتەری دا و دشێن جھەکی بخۆ ڤەکەن و کارێ خو پێش بێخن ، یان ژی دگەل کومپانیان کار بکەن ، چونکی گەلەک جھان پێدڤی یا ب شارەزایێن کۆمپیوتەری ھەی ، ھەروەسا دشێن ببنە مامۆستا ل قوتابخانان .

پشکا ماتماتیک ئانکو بیرکاری ئێکە ژ پشکێن کولیژا زانست ، خواندن ل ئەڤێ پشکێ چار سالن ، د ماوێ ئەڤان چار سالان دا قوتابی دێ هەمی بابەتێن گرێدای بیرکاریێ خوینیت و پشتی دەردچیت دێ بیتە هەلگرێ باوەرناما بەکالوریوسێ ب بیرکاریێ ، د ئەڤان ھەر چار سالان دا ، دڤیت قوتابی گرنگیێ ب پێزانینێن دەرڤه بدەت ، نە بتنێ ئەوا ماموستا بو دبێژیت ، دڤێت قوتابی دیڤچوونا ھەمی کتێبا بکەت یێن ب بابەتیڤە گرێدای ، ئەگەر قوتابی بتنێ گرنگیێ ب ئەوێ بدەت یا ماموستا بۆ دبێژیت دێ دەرچوونا وی ب زەحمەت لێ هێت ، و دەرچوویێن ئەڤێ پشکێ دشێن ل قوتابخانا وەک مامۆستا کار بکەن .

زەوی ناسی یان ئەرد ناسی کو دبێژنێ جیولۆجی ، وەکی ژ ناڤێ وێ دیار کو خواندن ل ئەڤێ پشکی گرێدای ئەوان رویدانایە ئەوێن بووینە ھۆکار بۆ پێک ئینانا ئەڤی ئەردێ نوکە ئەم سەر دژین ، هەروەسا گرنگیێ ب خواندنا کانزایا و بەرا و جورێن بەرا چاوانیا دروستبونا جورێن بەرا ددەت ، خواندن ل ئەڤی بەشی ھەمی ب زمانێ ئینگلیزی یە ، خواندن ل ئەڤی بەشی نە بتنێ نەزەری (تیوری) یە ، بەلکو پراکتیکی ئانکو عەمەلیە ژی یا هەی . د خشتێ وان یێن روژانە د روژەک یا ھەی دچنە ھندەک جها کو ئەو بابەتێن دخوینن ب شێوەیەکێ پراکتیکی جێبەجێ بکەن ، پشتی قوتابی ل ئەڤی بەشی دەردچیت پێزانینێن باش وەردگریت ل سەر زانستێن عەردی و جورێن ئاخێ و بەرا و کەڤرا و کانزایان و ... هتد . هەروەسا دەرچوویێن ئەڤی بەشی دشێن دگەل کومپانیایێن نەفتێ وەک جیولوجیست کار بکەن یان ژی ل ھندەک جھا ببنە فەرمانبەر کو پێدڤیا وان ب کەسێن جیولوجی ھەیە ، دەرچویێن ئەڤی بەشی باوەرناما بەکالوریوس وەردگرن د زانستێ جیولوجی دا و ناسناڤێ وانا دبیتە جیولوجیست .

9- کۆلیژا پلاندانانا جهی

ب شێوەیەکی گشتی پلاندانانە بۆ ھەر کارەکی یان پروژەکی د ماوەیەکێ دیاریکری دا ب باشترین کوالێتی و کێمترین دەمی و مەزاختنێ ، خواندن ل ئەڤێ پشکێ بتنێ بۆ بەشێ زانستی یە و کونمرا 74 و زێدەتر مافێ ھەی ئەڤی بەشی بکەتە د فۆرما خۆدا ، خواندن ل ئەڤێ پشکێ 5 سالن ، 0،1،2،3،4 د قوناغا سفرێ دا بتنێ زمانێ ئینگلیزی دخوینن دا کو قوتابی د زمانێ ئینگلیزی دا شارەزا بیت ، دیسان دێ ئەزمونەکا ئینگلزیێ ب قوتابیان ھێتە کرن ئەگەر سەرکەفتی بن ئەو قوناغا سفرێ ناخوینن و ئێکسەر دێ چنە قوناغا ئێکێ و دەست ب بابەتا کەن ، و د قوناغا سێیێ دا بو ماوێ دوو ھەیڤا دێ قوتابی ب گەشتەکا زانستی چنە وەلاتێ ئەلمانیا ، هەروەسا خواندن ل ئەڤێ پشکێ ب پارەیە ، ھەرسال ب 30 ھزار دولارانە ، ئەگەر تو ئەزموونا ئینگلیزیێ دەرچووی ، دێ پارێ چار سالا دەی ئەگەر نە دێ پارێ 5 سالا دەی . ناڤەروکا خواندنا وانا ل سەر پلانێ و پلان بو ھەر تشتەکییە ، چێدبیت سالێ ھەمیێ بتنێ ل سەر ئێک پروژەی کار بکەن، و داھاتییەکێ باشێ ھەی د کەرتێ حکومی و ئەھلی دا .

10- کۆلیژا یاسا

خواندن ل بەشێ یاسایێ پێنج سالن و رێژا دەرچونێ ژی ل بەشێ یاسایێ جودایە ژ ھەمی بەشێن دی یێن زانکویێ کو رێژا دەرچوونێ 60 ژ سەدێ یە ، ئانکو دڤێت نمرا قوتابی ب بابەتەکی ببیتە 60 هەتا دەربچیت . هەروەسا ئەف کولیژە یا تایبەتە بۆ قوتابیێن بەشێ وێژەیی ، لێ قوتابیێن بەشێ زانستی ژی دشێن لێ بخوینن . ل بەشێ یاسایێ ھەر قوناغەکێ نەھ بابەتا دخوینن ھەر ھندەک بابەت ب یاسایێ بتنێ ڤە گرێداینە ھندەک بابەت ژی گرێدای یاسایێ و سیاسێ و کومەلایەتی ڤە گرێداینە ، و یاسایێن ھەین یێت گشتی و یاسایێن هەین تایبەت ، ھەردوو دهێنە خواندن و ھەمی ژی تژی تەفاصیلن . و دەسپێکا سالێ دیاردکەن کو ژ وا نەھ بابەتا دوو بابەت اجباری عەرەبی دێ ھێنە خواندن شرح و بەرسڤدانا تاقیکرنێ ب عەرەبیە و کوردی چێنابیت ، هەروەسا سالانە ل دەسپێکا دەوامێ چار بابەت دھێنە دیارکرن ژلایێ وەزارەتێ ڤە کو ژ وان چار بابەتا دوو بابەت دێ بنە ویزاری ، و ھەیڤەکێ بەری تاقیکرنێن سەرێ سالێ دیاردکەن کا ئەو هەردوو بابەتێن ویزاری کیژکن ، دەرچوویێن بەشێ یاسایێ دشێن ل بوارێن پارێزەری و ھەروەسا مافپەروەری کار بکەن .

11- کۆلیژا زانستێن سیاسی

ئێکە ژ پشکێن کولێژا زانستێن سیاسی و خواندن ل ئەڤێ پشکێ چار سالن و خواندن ب تنێ ب زمانەکی نینە ، بەلکو ب ھەرسێ زمانان دخوینن ، قوتابی ل ئەڤێ پشکێ بابەتێن مێژویی ژی گەلەک دخوین ، پشتی قوتابی ژ ئەڤی بەشی دەردچیت ، دەرفەتا کاری ھەیە ل زوربەیا دام و دەزگەھێن میری ب تایبەت ل کونسولخانا و ھەروەسا ل رێکخراوێن نێڤدەولەتی و پارت و لایەنێن سیاسی ، ئەگەر گەلەک خودان شیان ژی بیت دشێت ل پاشەروژێ ببیتە کەسەکێ سیاسی و سیاسەتمەدار ، چونکی وەزیفا وانا یا سەرەکی ئەوە .

پشکا زانستێن سیاسی و سیاسەتا گشتی خواندن تێدا چار سالن و خواندنا وێ ب ھەرسێ زمانێن کوردی ، عەرەبێ ، ئینگلیزییە ، پێدڤییە قوتابی ب ئەڤان زمانان یێ باش بیت ، خواندن ل ئەڤێ پشکێ ب شێوەیەکێ گشتی گرێدای سیاسەتێ یە ، ئەو بابەتێن قوتابی دخوینن ب شێوەیەکێ گشتی ھەمی سیاسەتە وەک دەستپێکەک بو سیاسەتا گشتی ، کا سیاسەت چییە و چەوایە و دێ چەوا بیە کەسەکێ سیاسەتمەدار ، هەروەسا وەک دەستپێکەک بو زانستێ سیاسەتێ و دیموکراتیێ ، دەرچویێن ئەڤێ پشکێ د شێن د بوارێن سیاسی دا کاربکەن چ بو پارتێن سیاسی یان وەکو کەسایەتیێن سیاسی ، ئەگەر تە گەلەک حەز سەر سیاسەتێ ھەبیت دێ پالدەرەکێ باش بیت بۆ چوونا تە بۆ ناڤا ئەڤی بواریدا .

12- کۆليژا کارگێری و ئابووری

ئێکە ژ پشکێن کولیژا کارگێری و ئابووری کو خواندن تێدا چار سالن و د ئەڤان چار سالان دا قوتابی زانستێن کارگێری ب باشی د خوینن و چاوانیا رێڤەبرنا فەرمانگەھا و کومپانیا ژ لایەنێ کارگێری ڤە ،خواندن ل ئەڤێ پشکێ ب شێوەیەکی گشتی کوردی و عەرەبیە ، پشتی قوتابی ل ئەڤێ پشکێ دەردچن دشێن ل فەرمانگەھێن حکومی د بیاڤێ کارگێری و رێڤەبرنا وان فەرمانگەھا دا کاربکەن و ھەروەسا د کەرتێ تایبەت ژی دشێن کار بکەن وەک کەسێن کاریگەر ب رێڤەبرنا کومپانیا و فەرمانگەھا .

خواندن ل پشکا ئابووری چار سالن و باهرا پترا خواندنێ ب زمانێ عەرەبی یە ، خواندن ل ئەڤێ پشکێ گرێدای زانستێن ئابووری یە ، ئەڤ پشکە ھەولددەت کادرێن باش و زیرەک و ئابوریناسا پێ بگەھینیت و ب رێیا وان بابەتێن لێ دھێنە خواندن ، دەرچویێن ئەڤێ پشکێ دەرفەتەکا کاری یا باش یا ھەی وەکی کادرەکێ ئابوریناس د فەرمانگەھێن حکومی و کومپانیایێن کەرتێ تایبەت دا ھەروەسا دشێن کارێ ماموستایێ ژی بکەن وەکی ماموستایێن بابەتێ ئابووریی د قوتابخانێن ئامادەیی دا .

ئەڤ بەشە تایبەتە ب زانستێ ژمێریایێ ڤە ، ئانکو ئەو قوتابیێن ل ئەڤی بەشی دخوینن ، پێزانینێن باش دەربارەی ژمێریاریێ (محاسبیێ) وەردگرن ، خواندن ل ئەڤی بەشی ب شێوەیەکێ گشتی ب زمانێن عەرەبی و کوردی نە ، ئارمانجا ئەڤی بەشی ئامادەکرن و پێگەهاندنا کەسێن بسپۆرن د بیاڤێ ژمێریاریێ دا کو وەک ژمێریارێن سەرکەڤتی و خۆدان ئەزموون ، هەروەسا قوتابیێن دەرچووی ل ئەڤی بەشی باوەرناما بەکالوریوسێ ب ژمێریاریێ وەردگرن و دشێن وەکی ژمێریار (محاسب) ل فەرمانگەھێن حکومی و کومپانیان کار بکەن .

ئامار یا کو ئەم ب عەرەبی دبێژنێ (احصاء) ئانکو سەرژمێریاری ، ئێکە ژ پشکێن کولیژا کارگێری و ئابووری کو خواندن تێدا چار سالن ، باهرا پترا خواندنێ ب زمانێ ئینگلیزی و عەرەبی یە ، لێ ھندەک بابەتان قوتابی دشێن بکەنە کوردی و بخوینن ، د چار سالێن خواندنێ دا قوتابیێن ئەڤێ پشکێ گەلەک بابەتێن گرێدای ب ماتماتیکێ ڤە دخوینن و ھەروەسا ئەو بابەتێن گرێدای ئامارێ ڤە . قوتابیێن دەرچوویێن ئامارێ دشێن وەک ماموستایێن بیرکاریێ ل قوتابخانا کار بکەن ، ھەروەسا ئەو فەرمانگەھێن گرێدای کارێ سەرژمێریاریێ (ئامارێ) وەک فەرمانبەر دشێن تێدا کار بکەن .

خواندن لێ ئەڤێ پشکێ چار سالن ، باهرا پتر یا خواندنێ ب زمانێ عەرەبی یە ، قوتابیێن ئەڤێ پشکێ ب شێوەیەکێ بەرفرەھ بابەتێن گرێدای گەشتوگوزار و رێڤەبرنا ھوتێلا د بیاڤێ کارگێریدا دخوینن ، ئەڤ پشکە ھەولددەت کەسێن باش پێبگەھینیت ب شێوەیەکێ ئەکادیمی بۆ رێڤەبرنا جھێن گەشتیاری ، ھەروەسا ل ئەڤێ پشکێ کار ل سەر کەسایەتیا وانا دھێتە کرن دا کو بگونجن دگەل کلتور و نەتەوەیێن جیاواز ، دەرچویێن ئەڤێ پشکێ دشێن د بیاڤێن جودا دا کاربکەن ، ژوان ژی : کومپانيێن گەشت وگوزاری و بريکارێن گەشتێن گوزاری ، کومپانيێن فرين وڤەگوهاستنا گەشت وگوزاری ، رێڤەبرن وکارگێريا جهێن گوزاری ، رێکخراو ودەستەيێن گوزاری ، دەزگەهێن پەيوەنديێن گشتی ، رێڤەبرنا جهان ، پروژێن گەشت وگوزاری ... هتد .

ئێکە ژ پشکێن کولیژا کارگێری و ئابووری کو خواندن تێدا چار سالن ، قوتابیێن ئەڤی بەشی بابەتێن گرێدای ب زانستێن بەنکی ڤە دخوینن ، شارەزایەکا باش وەردگرن د ئەڤی بواریدا ، خواندن ل ئەڤی بەشی ب زمانێ عەرەبی و کوردی یە ، هەروەسا دەرچویێن ئەڤێ پشکێ دشێن د بیاڤێن جودا جودا دا کار بکەن ، ھەم د رێکخراو و کومپانیا و بانکێن نەحکومیدا ، ھەم د کەرتێ حکومی و بانکێن حکومی دا .

13- کۆليژا زمانان

کۆلیژا زمانان ئێکە ژ کولیژێن زانکۆیا دھوک کو ھەتا راددەکی یا نوییە و ل ئەڤان سالێن بووری ھاتییە دامەزراندن . خواندن ل کولیژا زمانان وەکی پتریا کولیژێن دی یێن زانکویا دهۆک چار سالن ، خواندنا کولیژا زمانان یا گرێدای فێربونا زمانانە ب شێوەیەکێ ئەکادیمی و گەلەک گرنگی ب فێربوونا ئەدەبێ دھێتە دان و ل ھەمی پشکێن وێ کێمتر گرنگی ب رێزمانێ دھێتە دان ، دەرچویێن کولیژا زمانان باوەرناما بەکالوریوس وەردگرن و دبنە شارەزا د زمانی دا ، دەرچویێن ئەڤێ کولیژێ دیڤ بریارا وەزارەتێ کارێ وانا نە ماموستایی یە ، لێ ھەتا نوکە ژی ئەڤ بریارە نەھاتیە جێبەجێکرن و قوتابی دشێن کارێ ماموستاییێ ژی بکەن ، تایبەت بو قوناغا ئامادەیی .

ئەڤ پشکە بلندترین پشکا کولیژا زمانانە کو وەکی بەری نوکە مە ئاماژە پێکری خواندن تێدا چار سالن و خواندنا وێ ھەمی بتنێ ئینگلیزی یە ، قوتابی ل ئەڤێ کولیژێ ب شێوەیەکی بەرفرەھ ل سەر زمانێ ئینگلیزی دخوینن و ب تایبەتی ئەدەبا جیھانی ، ئانکو ئەم شێین بێژین گرنگیەکا گەلەک زور ب ئەدەبێ دھێتە دان لێ ھەتا راددەکی گرامەر نەیا گرنگە ، دەرچوویێن ئەڤی بەشی دەرفەتەکا باش یا ھەی کو دگەل کومپانی و رێکخراوێن جیھانی کار بکەن و وەکی وەرگێر ئانکو موتەرجم ھەروەسا د شێن د سلکێ پەروەردێ دا ژی کار بکەن وەک ماموستایێن زمانێ ئینگلیزی .

وەرگێران د ھێتە نیاسین ب دوویەم بلندترین پشکا کولیژا زمانان پشتی زمانێ ئینگلیزی ، خواندن ل ئەڤی بەشی چار سالن ، د ماوێ ئەڤان چار سالان دا قوتابی ھەمی بابەتێن خو ب ئینگلیزی دخوینن ، لێ د قوناغا ئێکێ دا سێ بابەتێن ھەین کو نە ب ئینگلیزی نە ئەوژی ، کوردولوجی ،عەرەبی ، کومپیوتەر . ھەروەسا د قوناغا سێیێ دا بتنێ ئێک بابەتێ ھەی کو فەرەنسی یە ، خواندن ل ئەڤێ پشکێ نە گەلەک گرنگیێ ب گرامەرێ دھێتە دان و نە ئەدەبێ و زمانناسیێ ، بەلکو باهرا پتر گرنگی ب وەرگێرانا دەقا دهێتە دان ، ئانکو قوتابی ھندەک پاراگرافێن زمانێن دی تەرجمە دکەن بو ئینگلیزی و ئینگلیزی بو زمانێن دی ، پشکا وەرگێران ئێکە ژ ڤان پشکێن کو ڤان سالێن دوماھیێ گەلەک قوتابیان بەرێ خو دایێ و حەزدکەن ل ئەڤێ پشکێ بھێنە وەرگرتن ، دەرچویێن ئەڤێ پشکێ کارێ وان يێ سەرەکی وەرگێرانە ئانکو تەرجمە ، قوتابی ھەتا راددەکی نەشێن د سلکی پەروەردێ دا کار بکەن .

ئەڤ پشکە ب سێیەم پشک دھێتە نیاسین ژ لایێ کونمرێ ڤە ، خواندن ل ئەڤێ پشکێ چار سالن و د ماوێ ئەڤان چار سالان دا قوتابی زمان و ئەدەبیاتا کوردی ب شێوەیەکێ بەرفرەھ دخوینن ، نە بتنێ ئەدەبا کوردی لێ ھەتا حەدەکی گرنگی ب ئەدەبا نەتەوێن دی ژی د ھێتەدان ، د ئەڤان چار سالان دا قوتابیێن ئەڤی بەشی شارەزاییەکا باش وەردگرن ل سەر زمان و ئەدەبا کوردی و ریبازێن ئەدەبی ب شێوەیەکی گشتی ، د ئەڤێ پشکێ دا وەکی ھەمی پشکێن دی کێمتر گرنگی ب رێزمانێ دھێتە دان ، دەرچوویێن ئەڤێ پشکێ د بنە شارەزا د زمانێ کوردی دا و دشێن ببنە نڤیسەر ، چیروک نڤێس و ھوزانڤان ئەگەر ب شێوەیەکێ دروست گرنگیێ ب خواندنا خۆ بدەت ، دەرفەتا کارکرنێ ب شێوەیەکێ گشتی د سلکێ پەروەردی دا یا کێمە بو ڤی قسمی چونکی کارێ وانا نە مامۆستایی یە ، لێ د ھەمان دەم دا نوکە دشێن ببنە مامۆستا ، ب تایبەت بۆ قوناغا ئامادەيی .

14- کۆلیژا پەروەردا بنیات

کۆلیژا پەروەردا بنیات ئێکە ژ کولیژێن هەرە گرنگ د بوارێ پەروەردە و فێرکرنێ دا ، وەکی زوربەی کولیژان خواندن ل کۆلیژا پەروەردا بنیات چار سالن ، و پشتی چار سالێن خواندنێ باوەرناما بەکالوریوس ب قوتابی دهێتە دان ، هەروەسا ئەڤ کولیژە ل چەندین جهێن جودا هەنە ، ژوان ژی دهۆک ، ئامێدی ، زاخۆ ، و دەرچوویێن ئەڤێ کۆلیژێ بسپوریا وان مامۆستاییە ، ئانکۆ دێ بنە مامۆستا بو قوتاغێن بنەرەتیێ ، لێ دشێن بۆ قوناغا ئامادەیی ژی بچن ، هەردیسان ئەڤ کولیژە پتر گرنگیێ ب پەروەردە و بنیات دانانا قوتابی دکەت ل قوناغێن بنەرەتیێ و چەوانیا سەرەدەریێ دگەل قوتابیان .

زمانێ ئینگلیزی ئێکە ژ پشکێن هەرە گرنگ ل جیهانێ و کوردستانێ ، لەوما حەزەکا زۆر ل سەر ئەڤێ پشکێ هەیە ، ئەڤ پشکە بلندترین پشکا کولیژا پەروەردا بنیاتە و خواندنا وێ ھەمی ئینگلیزی یە . قوتابی ل ئەڤێ پشکێ ب شێوەیەکێ بەرفرەھ ل سەر زمانێ ئینگلیزی دخوینن و ب تایبەتی لایەنێ رێزمانی (گرامەرێ) ، ئانکو ئەم د شێین بێژین گرنگیەکا زور ب رێزمانێ دھێتە دان ل ئەڤێ پشکێ ، دەرچویێن ئەڤێ پشکێ دبنە مامۆستا ل قوناغێن بنەرەتیێ و دیسان ل ئامادەییێ ژی ، هەروەسا دشێن دگەل کومپانی و رێکخراوێن جیھانی کار بکەن وەک وەرگێر ئانکو متەرجم .

خواندن ل پشکا زمانێ کوردی پێک دهێت ژ دوو بابەتێن سەرەکی ، ئەوژی (زمان وئەدەب)ن کو د ئەڤان چار سالان دا قوتابی چەندین بابەتێن زمانی وەردگریت ، وەکی رێزمان ، دەنگسازی ، وشەسازی ، رستەسازی واتا سازی ... هتد ، هەردیسان چەندین بابەتێن ئەدەبی ژی وەردگریت ، وەکۆ : ئەدەبێ نوی ، ئەدەبێ کەڤن ، پەخشان ، فولکلور ، رێبازێن ئەدەبی ... هتد ، پشتی ب دوماهی ئینانا ئەڤێ پشکێ قوتابی دێ بیتە مامۆستایێ زمان و ئەدەبێ کوردیێ ، نڤیسەر ، زمانڤان ، ... هتد .

خواندن ل پشکا زمانێ عەرەبی پێک دهێت ژ دوو بابەتێن سەرەکی ، ئەوژی (زمان وئەدەب)ن کو د ئەڤان چار سالان دا قوتابی چەندین بابەتێن زمانی وەردگریت ، وەکی النحو ، علم الصوت ، الصرف ، البلاغة ، محادثة و التعبير ، علوم القرآن و الحديث ... هتد ، هەردیسان چەندین بابەتێن ئەدەبی ژی وەردگریت ، وەکۆ : الادب الجاهلي ، الادب الاسلامي ، الادب الاموي ، الادب العباسي، الادب الاندلسي ، الادب الحديث ... هتد ، پشتی ب دوماهی ئینانا ئەڤێ پشکێ قوتابی دێ بیتە مامۆستایێ زمان و ئەدەبێ عەرەبیێ ، نڤیسەر ، وەرگێر ، ... هتد .

پشکا زانست خواندنا وێ لسەر بابەتێن وەکو فیزیا ، کیمیا و زیندەوەرێ یە ، ئانکو بابەتێن زانستی نە ، خواندنا ئەڤی بەشی ب زمانێ ئنگلیزی یە . دەرچوویێن ئەڤی بەشی ل پاشەروژێ دەرفەتا کارکرنێ ھەیە وەک ماموستا و ھەروەسا دشێن ل تاقیگەھان ژی کاربکەن .

ماتماتیک ئانکۆ بیرکاری ، ل ئەڤی بەشی قوتابی وانێن گرێدای بیرکاریێ وەردگریت ، ماتماتیک وەکی تشتەکێ ئاسایی ب ژیانا مروڤی مە گرێدایە . خواندن ل ئەڤی بەشی ل سەر بابەتێن ھزری و ژمێریاری یە ، ئانکو بیرکاریێ ، ل ئەڤی بەشی گەلەک شێوازێن بابەتان دھێنە خاندن ، ژ قوناغەکێ بۆ قوناغەکا دی جودایە . خواندنا وێ ژی پتر ب زمانێ ئینگلیزی یە ، دەرچوویێن ئەڤی بەشی دشێن کار بکەن وەک مامۆستا کو کارێ وان یێ سەرەکی یە ، هەروەسا دشێن کار بکەن وەک ژمێریار ل کومپانیان .

ئەڤ پشکە ئێکە ژ پشکێن بەرفرەهـ و گەلەک لقا ب خۆڤە دگریت ، خواندن ل ئەڤێ پشکێ گرێدای دیاردێن سرۆشتی وەکو ئاڤ و هەوا و ژینگەهـ و ئاخ و ئاڤ و کشتوکال و جوگرافیا رامیاری ب ئاژەلداری و ... هتد ، ئەڤ پشکە هەولددەت هەمی دیاردێن ل سەر عەردی و ل بن عەردی و ژ دەرڤەی هەسارا عەردی بو قوتابیان بدەتە نیاسین . هەروەسا د ئەڤان چار سالان دا قوتابی گەلەک بابەتان وەردگریت ، ژوان ژی : جوگرافیا سیاسی ، جوگرافیا ژینگەهێ ، جوگرافیا پیشەسازی ، جوگرافیا ئابووری ، جوگرافیا ڤەگوهاستن و گەهاندنێ ... هتد .

ئێکە ژ پشکێن کۆلیژا پەروەردا بنیات ، خواندن ل ئەڤێ کولیژێ ب زمانێ کوردیە ، د ھەرچار قوناغێن خواندنێ دا قوتابی ب شێوەیەکێ گەلەک بەفرەھ مێژوویا کوردستانێ یا کەڤن و نوی و ناڤین و ھەڤچەرخ دخوینن ، ھەروەسا ھەر ل پشکا مێژوو ، مێژویا وەلاتێن جیران ژی وەکی تورکیا و ئیران و سوریا و عێراق دھێتە خاندن ، هەردیسان گرنگی ب مێژوویا ئەورۆپاژی دهێتە دان ، و گرنگیەکا باش دھێتە دان ب مێژوویا ئیسلامی و دەرچویێن ئەڤێ پشکێ دبنە مامۆستایێن مێژوویێ ، دیرۆکنڤیس ، ... هتد .

ئێکە ژ پشکێن نی یێن کولێژا پەروەردا بنیات دھوک ، و خواندن ل ئەڤێ پشکێ چار سالن و پشتی قوتابی دەردچیت ، دێ باوەرناما بەکالوریوس وەرگریت ، خواندنا ئەڤێ پشکێ وەکی ژ ناڤێ وێ دیارە کو گرێدای راوێژکاریا پەروەردەی یە ل قوتابخانان پێتڤی ڤان کەسان دبن دا کو ئاریشێن قوتابیان چارەسەر بکەن .

خواندن ل ئەڤێ پشکێ تایبەتە ب خواندنا بابەتێن گرێدای پەروەردەکرن و سەرەدەریکرنا کەسێن کێم ئەندام ، کو قوتابی د ئەڤان چار سالان دا شارەزای هندێ دبیت چەوان سەرەدەریێ دگەل کێم ئەندامان بکەت و چەوان ب پەروەردەکرنا وان رابیت ، پشتی وەرگرتنا باوەرنامێ قوتابی دێ بیتە مامۆستا ل جهێن پەروەردەکرنا کێم ئەندامان یان ژی جهێن تایبەت ب خودانکرنا کێم ئەندامان .

15- کۆليژا ئەندازیاریا چاندنێ

خواندن ل ئەڤێ پشکێ چار سالن و خواندنا قوتابیان ل سەر دەرامەتێن کێلگەھێ (زەڤیێ) نە ، ئانکو ئەو بەرھەمێ د کێلگەھا دا دھێنە چاندن ، ئەڤ پشکە گەلەک گرنگیێ ب ئاریشێن بەرھەمئینانێ ددەت ئانکو ئەو ئاریشە چنە جوتیار توش دبن ل دەمێ بەرھەما د ئەڤان کێلگەھان دا دچینن ، ھەروەسا گرنگیێ ب ھندێ ددەت ئەرێ چەوا ئەم ئەڤان بەرھەما ب پارێزین و باشتر لێ بکەین ب بکارئینانا زبلی و ئاڤدانا دروست و ئینانا ئامیرەیان ، دەرچویێن ئەڤێ پشکێ دشێن کاربکەن ل کەرتێ گشتی (میری) یانژی تایبەت ، وەک ل : وەزارەتا چاندن و ژێدەرێن ئاڤێ ، وەزارەتا بازرگانی (سایلو) ، پروژێن سەخبێریا ئاخێ .

خواندن ل ئەڤێ پشکێ چار سالن و ئەڤ پشکە ژ دوو لقێن سەرەکی پێک دھێت ، ئەوژى مێش و مور و نەخوشیێن روەکا ھەروەسا ڤەکولینێن زانستی . خواندن ل ئەڤێ پشکێ باهرا پتر ل سەر مێش و مورا و نەخوشیێن روەکی یە ، ئەو نەخوشیێن ژ ئەگەرێ مێش و مورا توشی روەکی دبن و ھوکارێن ئەڤان نەخوشیا و چەوانیا چارەسەرکرنا وانا ب بکارئینانا مادێن وەسا کو بەرگریا روەکا زێدە بکەن ل دژی مێش مورا دا کو کێمتر توشی نەخوشی ببن ، قوتابی بەردەوام ڤەکولینێن زانستی ئەنجام ددەن بو ئەڤان مەبەستێن مە بەحس کری . دەرچویێن ئەڤێ پشکێ دشێن کاربکەن ل کەرتێ گشتی (میری) یانژی تایبەت ، وەک ل وەزارەتا چاندنێ – پشکا پارستنا رووەکی ، سایلویا ، پەیمانگەھێن چاندنێ ، سەنتەرێن ڤەکولینن زانستی ، کومپانیێن چاندنێ ... هتد .

خواندن ل ڤێ پشکێ چار سالن و خواندنا قوتابیا دێ ل سەر زانستێ ئاخێ بیت و پێکھاتێن ئاخێ ژ لایەنێن فیزیا و کیمیای و بایولوژیا ڤە ، ئەڤ پشکە قوتابیا ئامادە دکەت دا کو ببنە کەسانێن شارەزا د بوارێن پێکھاتێن ئاخێ دا و ھەروەسا فێردکەت کا چاوا ئاخێ بپارێزن ژ پیچ بوونێ و ھریانێ و بکارئینانا رێکێن گونجای بو ڤێ مەرەمێ.

خواندن ل ئەڤێ پشێ چار سالن خواندنا وان ل سەر دارستانا (غابات)یە ب شێوەیەکێ گشتی ، قوتابی دھێنە فێکرن کا چاوا بشێن دارستانا پێشڤە ببەن و ئەو ئاریشێن توشی داران ببن چارەسەر بکەن ھەروەسا دارستانا سەخبێر بکەن . ھەردیسا قوتابی فێردبن کا چاوا دارستانێن سروشتێ ب پارێزن . قوتابیێن ڤێ پشکێن ڤەکولینێن زانستی چێدکەن سەبارەت دارستانا و چاوانیا پاراستنا وان . دەرچویێن ئەڤێ پشکێ دشێن کاربکەن ل کەرتێ گشتی (میری) یانژی تایبەت ، وەک ل : رێڤەبەریێن دارستانا ، پروژێن سەخبیرکرنا ئاخ و ئاڤێ ، باخچێن گشتی و یێن گەشت و گوزارا ، کارگەھێن داری ، فەرمانگەھێن ڤەکولینێن چاندنێ .

خواندن ل ئەڤێ پشکێ چار سالن ، خواندنا ئەڤێ پشکێ ل سەر بەروبومێن بیستانی یە و قوتابی زانستێ بەرھەمئینانا بەروبومی دخوینن و فێردبن کا چ رێک باشن دا کو بشێن بەرھەمێن بیستانی باشتر لێ بکەن و ھەروەسا رێژا وانا ژی گەلەک زێدەتر لێ بکەن ، ھەروەسا قوتابی فێردبن کا چاوا ئەو ئاریشێن توشی بیستانا دبن چارەسەر بکەن ب ب کار ئینانا توخمێن وەکی زبل و ئاڤدانا باش و پشکنین بو توڤا . دەرچویێن ئەڤێ پشکێ دشێن کاربکەن ل کەرتێ گشتی (میری) یانژی تایبەت ، وەک ل وەزارەتا چاندن و ژێدەرێن ئاڤێ ، سه‌رپه‌رشتییا یاریگه‌هێن وه‌رزشی وه‌ك یاریگه‌هێن ته‌پاپێ ، رێڤه‌به‌ریا باغێن سروشتی ، نه‌مامگه‌هێن (مەشتەلێن) میری و تایبه‌ت ، سه‌رپه‌رشتییا باخچه‌ وجهێن گه‌شت و گوزاری) .

خواندن ل ئەڤێ پشکێ ژی وەکی ھەمی پشکێن دی چار سالن ، د ئەڤێ پشکێ دا خواندنا وانا ل سەر جهێن گەشتوگوزاری یە ل کوردستانێ و پێگەھاندنا ستافێن شارەزا د بوارێن گەشتوگوزارێ دا و قوتابی شارەزا دبن ل سەر چاوانیا رێڤەبرنا گەشتێن سیاحی و سەرەدەری دگەل گەشتیارا و قوتابیێن دەرچوی دشێن ببنە سەرپەرشتیارێن گەشتان و ل کومپانیایێن گەشتیاری دشێن کار بکەن .

خواندن ل ئەڤێ پشکێ چار سالن ، خواندن ل سەر بەرھەمێن گیانەوەرایە ، ئەڤجا ھەر بەرھەمەکێ گیانەوەران کو ب کێر خوارنێ بھێت ، ب تایبەت سپییاتی وەکی شير و ماست و پەنیر ، ل ئەڤێ پشکێ قوتابی فێری ھندێ دبن کا چاوا بەرھەمێن گیانەوەرا زێدە بکەن و باشتربکەن ھەروەسا چاوا وان بەرھەما پارێزن .

خواندن ل ڤێ پشکێ چار سالن و ئەڤ پشکە شیرەتکارێن چاندنێ ئامادە دکەت ئانکو د سالێن خواندنێ دا قوتابی ل سەر شیرەتکاریا چاندنێ دخوینن ، دا کو بشێن ھاریکاریا جوتیاران بکەن و شیرەتا لێ بکەن ، ھەروەسا ھەول بدەن چارەسەریا ئاریشێن چاندنێ ل گوندان بکەن ، و پێزانینێن گرنگ بدەنە جوتیارێن گوندا ، ل گەلەک گوندێن کوردستانێ زەڤیێن باش مە یێن ھەین لێ شارەزایى نینە و نزانن چاوا ب کار بینن ، لەوما دەرچویێن ڤێ پشکێ کارێ شیرەتکاریێ بو وانا دکەت
دەرچویێن پشکێ دشێن کاربکەن ل کەرتێ گشتی (میری) یانژی تایبەت ، وەک ل وەزارەتا چاندن و ژێدەرێن ئاڤێ ، رێکخراوێن نیڤ دەولەتی و نافخویی ، وورکشوپێن لدور پەروەردە و سەرەدەریا دگەل جوتیاران .

16- کۆليژا زانستێن مروڤایەتی/ئاداب

هەر قوناغەکا ئەڤی بەشی چەندین بابەتێن جودا و گرنگ هەنە بۆ پتر تێگەهشتنا مرۆڤان ، ئەگەر پێناسەکێ بدەینە دەروونزانیێ ئەم دشێن بێژین زانستێ خواندنا رەفتارێن بوونەوەرێ زیندی یە ب تایبەت مرۆڤی ، ئارمانج ژێ تێگەهشتن و شروڤەکرن و پێشبینی کرن و کونتڕولکرنا رەفتارانە . وەکی یا دیار کو ل زانستێن سەردەمی یێن گرنگە و بەرفرەهبوویە و چەندین بەش هەنە ، دەروونناسی زانستەکێ خۆشە سەرەڕای هندێ کو رەنگە خواندنا وێ یا بساناهی نەبیت ، چونکی ئەڤ زانستە هاریکاریا تە دکەت تو جورێن جودا یێن کەسایەتیان بزانی . دەرچوویێن ئەڤی بەشی د پاشەڕوژێ دا دشێن هاریکاریا گەلەك کەسان بکەن و خەلك پەنایێ بۆ ببەن و چارەسەریا ئاریشێن وان بکەن و رێکان نیشا وان بدەن ، دەرچوو دهێنە ناسین ب ( راوێژکار، دەروونناس، هاریکارێ نوژدارێ دەروونی) . هندەک ژ بەشێن دەروونناسی ب خۆڤە دگریت[دەروونناسیا گشتی، دەروونناسیا نە ئاسایی(نەخوشی)، دەرونناسیا بەراوردی ، دەروونناسیا رێکخستن ، دەروونناسیا فێرکاری(زانینێ)، دەروونناسیا کومەڵایەتی...]

ئێکە ژ پشکێن کولێژا زانستێن مروڤایەتی/ئاداب , خواندن ل ڤێ کولێژێ ب زمانێ کوردیە ، د ھەرچار قوناغێن خواندنێ دا قوتابی ب شێوەیەکێ گەلەک بەفرەھ مێژوویا کوردستانێ یا کەڤن و نوی و ناڤین و ھەڤچەرخ ھەروەسا ھەرل پشکا مێژوو ، مێژویا ولاتێن جیران ژی وەکی تورکیا و ئیران و سوریا و عێراق دھێتە خواندن . ھەروەسا گرنگیەکا باش دھێتە دان ب مێژوویا ئیسلامی ، دەرچویێن ڤێ پشکێ دشێن وەکو ماموستایێن مێژویێ کار بکەن ل قوتابخانا ھەروەسا ئەگەر زیرەک بن و بنچە ناڤ بابەتی دا دشێن ببنە شارەزایێن مەزن د مێژویێ دا.

ئێکە ژ پشکێن کولیژا زانستێن مرۆڤایەتی و خواندن تێدا چار سالن و خواندنا وێ ژی ب شێوەیەکێ گشتی ب زمانێ کوردی یە ، د ھەر چار قوناغێن خواندنێ دا قوتابی گەلەک بابەتێن گرێدای جوگرافیا دەڤەرێ و جیھانێ دخوینن ، دەرچویێن ئەڤێ پشکێ دشێن ببنە جوگرافیناس و ھەروەسا دشێن ببنە مامۆستا ل قوتابخانان .

پشكا كومەلناسی ب سەر زانستێ مروڤایەتی ڤەیە ، گرنگیێ ددەتە ب خواندن و تێگەھشتنا جڤاكی ژلایێ كلتوری و دیاردێن جڤاكی و ئاریشێن جڤاكی ھەروەسان گرنگیێ ددەتە پێشئێخستن و رێكئێخستنا جڤاكی ، خواندن ل ئەڤێ پشکێ ب زمانێ ئینگلیزی یە ، ل ھەر چار قوناغێن خواندنێ بابەتێن جوراو جور دهێنە خواندن ، بۆ نموونە بھا چنە و مافێن مروڤی گوھورینێت جڤاكی و لایەنێ دەرونی یێ تاكی ، خێزان ب بەرفرەھی و تیورێن كومەلناسی چاوانیا دروستكرنا ڤەكولینێن جڤاكی ، ئەڤە ھەمی پێكڤە دبابەتەكێ گەلەك گرنگ دا كوم دبن دبێژنێ ڤەكولەرێ جڤاكی ، كو گرنگیێ ددەتە وان ھەمی بابەتێن بەحس لێ ھاتیە كرن بشێوێ كرداری . دەرچوویێن ئەڤێ پشکێ دەرفەتا كاری ل خواندنگەھان یا ھەی وەک ماموستا و ڤەكولەر د رێكخراوێن حكومی و ئەھلی دا ، ھەروەسا ل جھێن چاڤدێریا خێزانی یان سەنتەرێن گەشەپێدانا مروڤی جھێن دانعەمران و ئێتیمان ھەروەسا وەك ڤەكولەر ل چاكسازیان و سەنتەرێن توندوتیژیێ و گرنیگیپێدەرێن ئاریشێن جڤاكی و كەسایەتی ، ھەروەسا دشێن ڤەكولینێن جڤاكی بكەن و بكەنە پڕوژە ژبۆ رێكخراو یان حكومەتێ .

خواندنا ئەڤی بەشی ب شێوەیەکێ گشتی ل سەر ئاشتیێ یە ھەروەسا مافێ مروڤی ، د ئەڤی بەشی دا قوتابی فێر دبن کا چەوا سەرەدەریێ دگەل کەسێن بەرامبەر بکەن ، ھەروەسا کا ئەرێ مافێن ھەر تاکەکی کومەلگەھێ دا چنە و چەوا سەرەدەریێ دگەل ئاریشا بکەن . ئانکو ئەم دشێین بێژین تیشکێ دئێخنە سەر مافێن مروڤی و جارنامێن مافێن مروڤی ل ھەمی جیھانێ ، دەرچوویێن ئەڤی بەشی دەرفەتا کارکرنێ هەیە د رێکخراوێن کومەلگەھا مەدەنی دا ، ھەروەسا دشێن ببنە مامۆستا ل قوتابخانان بۆ بابەتێن مافێ مروڤی و مەدەنی و جینوساید .

17- بەشێن راستەوخۆ

بەشێن راستەوخۆ سیاسەتا وەرگرتنا وان جودایە ژ بەشێن دیتر ، هەتا قوتابی ل ئەڤان بەشان بهێتە وەرگرتن دڤێت فۆرما راستەوخۆ ل ئەڤان بەشان پربکەت و هەروەسا ل ئەڤان بەشان هەتا تو بشێی بهێیە وەرگرتن دڤێت ئەزموونەکێ (اختبارەکێ) بکەی ، ئانکو ئەو ئەزموونە ل سەر 40 نمرایە و معەدەلێ پولا دوازدێ ل سەر 60 نمرایە ، ئەڤجا هندی قوتابی نمرا وی یا باشبیت ب ئەڤێ ئەزموونێ ، دێ دەرفەتا وەرگرتنا وی بلندتربیت .
ھەتا بشێی پێشکێشی ئەڤان بەشان بکەی دڤێت معدلێ تە ژ 60 کێمتر نەبیت و بۆ پارالێل 55 کێمتر نەبیت .

خواندن ل ئەڤێ کولیژێ چار سالن و خواندنا وێ دابەش دبیتە سەر دوو شێوازا ، کو ئەوژی شێوازێ پراکتیکی و شێوازێ تیوری نە ، شێوازێ پراکتیلی ئانکو ل یاریگەھ و ھولێن وەرزشی دا بابەت دھێنە وەرگرتن و ب شێوێ عملی قوتابی راھێنان و یاریان ئەنجام ددەن ، و شێوازی تیوری ئانکو قوتابی ل سەر مەلزەما ھندەک بابەتا دخوینن و ژبەر دکەن بو ئەزمونان ، هەروەسا پشتی قوتابی ژ ئەڤێ کولیژێ دەردچن دشێن وەک ماموستا ل قوتابخانان دەوامێ بکەن یان ژی بچنە د ناڤ بوارێ وەرزشی دا وەک یانێن وەرزشی ، ئەکادیمیێن وەرزشی ... هتد .

ئێکە ژ پشکێن کولیژا زانستێن مروڤایەتی ، خواندن د ئەڤێ پشکێ دا چار سالن و د ماوێ ئەڤان چار سالان دا بابەتێن زانستێن شەرعی دھێنە خواندن و قوتابی پشتی ژ ئەڤێ پشکێ دەردچن ، دشێن ل قوتابخانان وەک ماموستا کار بکەن یان ژی ئەگەر قوتابی گەلەک حەز سەر ھەبیت دشێت خواندنا خو بەرفرەھ بکەت و پتر د بوارێ ئایینی دا کاربکەت ، هەروەسا ب تایبەت بۆ کوران دشێن وەک گۆتار خوین و مامۆستایێن ئایینی ل مزگەفتان کاربکەن .

ئێکە ژ پشکێن کولێژا زانستێن مروڤایەتی کو خواندن ل ئەڤێ پشکی چار سالن و د ئەڤان چار سالان دا قوتابی باهرا پتر بابەتێن پراکتیکی وەردگرن ل سەر ئەکتینگێ ئانکو ئەکتەریێ و قوتابی ئامادە دبیت دا کو بشێت رولێ ئەکتەران بگێریت د شانو و درامایێ دا و ھەروەسا دشێن ھێشتا رولان ببینیت د بەرھەمئینانا شانو و درامایان دا .
پشتی قوتابی خواندنا خۆ ب دوماھیک د ئینین دشێن وەک ئەکتەر دگەل کومپانیایێن فلم و دراما و شانویێ کاربکەن .

ئێکە ژ پشکێن کولیژا زانستێن مرۆڤایەتی کو خواندن تیدا چار سالن و د ئەڤان چار سالان دا قوتابی بابەتێن جوراوجور وەردگرن ل دور وێنەکێشانێ و مێژویا ھونەرێ و گرافیک دیزانی و رەنگا ، قوتابی پشتی ئەڤی بەشی ب دوماھیک د ئینن دشێن کاربکەن وەک مامۆستایێن بابەتێ هۆنەرێ ، هەروەسا دشێن د کەرتێ تایبەت دا ژی کاربکەن وەک بخو جهەکی ڤەکەن و وێنان بکێشن و بفروشن یان ژی ب رێکا ئونلاین کاربکەن .

18- کۆليژا تەکنیکی ئەندازیاری

ئەڤ بەشە ئێک ژ بەشێن کۆلیژا تەکنیکا ئەندازیاری و لقەکێ بەرفرەهە ژ ئەندازیارییا شارستانی. خواندنا ڤی بەشی چوار ساڵن, و قۆتابی دڤان چوار ساڵێن خواندنا ئەکادیمی دا کومەکا وانێن تیۆری و پراکتیکی دخوینیت. دەرچوویێ ڤێ پشکێ باوەرناما بەکالۆریۆس د ئەندازیارییا ڕێگاوباندا وەردگریت. ئەندازیارێن ڕێگاوبان دشێن دکەرتێن حکومی و تایبەتدا کاربکەن وەکی درۆستکرنا ڕێکا و تونێل و جسران, دهەمان دەمدا دشێن ل تاقیگەهێن قێری و گەلەک تاقیگەهێن دی.

ئەندازیارییا پترۆکیمیایی بەشەکە ژ ئەندازیارییا نەفتێ ، خواندنا ل ڤی بەشی چوار سالن ،د ماوێ ڤان چوار سالاندا قۆتابی چەندین بابەتێن تیوری و پراکتیکی دخوینیت . پشتی دەرچوونا قۆتابی ژڤی بەشی ، دێ باوەرناما بەکالۆریۆس د بیاڤێ ئەندازیارییا پترۆکیمیایی دا وەرگریت ، و دشێت وەک ئەندازیارێ پترۆکیمیایی د پیشەسازیێن پاڵاوتن و پرۆسێن بەرهەمئینانا نەفتێ و بەرهەمئینانا ب کۆمەڵ و دەرمانسازی و چاڤدێرییا تەندرۆستی و دیزاینکرنا بەرهەمێن ئاڤدەر و کاغەز وماددێن پترۆکیمیایی و درۆستکرن و پاراستنا خواردەمەنییا, زێدەباری بەرهەمە کیمیایێن دی کو پیشەسازیێن دی دا بکاردهێن وەکی پۆلیمەر و بایۆتەکنەلۆجیا و تەندرۆستییا ژینگەهی .

ئەندازیارییا وزێ ، یان ئەندازیارییا سیستەمێ وزێ ، ئێک ژ لقێن ئەندازیاریێ نە کو تایبەتە ب وزێ ڤە (الطاقە) ، ئەڤ بەشە ل زانکۆیا پۆلیتەکنیک دهۆک ل ساڵا 2013 هاتییە ڤەکرن ، بەلێ ل دەستپێکێ ناڤێ وێ (ئەندازیارییا سارکردنەوە و هەواسازی) بوو ، بەلێ ل دویڤ دا ناڤێ وێ هاتە گوهارتن بۆ ئەندازیارییا وزێ ، خواندنا ل ڤی بەشی چوار ساڵن ، پشتی دەرچوونێ قۆتابی دێ باوەرناما بەکالوریۆس وەرگریت دبیاڤێ ڤێ ئەندازیاریێدا . ئەندازیارییا وزێ بەشەکێ بەرفرەهە ژ ئەندازیاریێ کو ب مامەلەلکرنا دگەل شیانێن وزێ ، خزمەتگوزارییا وزێ ، بڕیڤەبرنا جهێن وەرگرتن و دانا وزێ ، و تەکنەلۆجیا وزا بەدیل . ئەندازیارییا وزێ خواندنا هەڤپشکە دناڤبەرا فیزیا ، ماتماتیک ، کیمیا و دگەل ئابووری و کردارێن ئەندازەیا ژینگەهی .

19- کۆليژا تەکنیکی کارگێری دھوک

ئێکە ژ پشکێن کولێژا تەکنیکی کارگێری یا سەر ب زانکویا پۆلی تەکنیک ڤە کو خاندن تێدا 4 سالن ،وەکی د ناڤێ وێدا دیار خاندن ل ڤێ پشکێ دوو بوارێن سەرەکی بخوڤە دگریت کو ئەوژی بوارێ ئای تی یە ھەروەسا بوارێن ئیداری ،ئانکو ئەم شێین بێژین قوتابی ل ڤێ پشکێ وان بەرنامێن ئای تی دخینن ئەوێن گرێدای رێڤەبرنا کارگێری ئانکو ئیداری ڤە ،قوتابی د ھێنە فێرکرن دا کو سیستەم و ئەپلیکەشنێن جیاواز ب کار بینن بو رێڤەبرنا کاروبارێن کارگێری(ئیداری) ، دەرچویێن ڤێ پشکێ دشێن د دوو بیاڤان دا کار بکەن ، ئێک ب کار ئینانا سیستەم و ئەپلیکەشنا د رێڤەبرنا ئەرکان دا و دوو بو پروگرامکرنا سیستەمی.

ئێکە ژ پشکێن کولێژا تەکنیکی کارگێری ل زانکویا پۆلی تەکنیک کو خاندن تێدا چار سالن ، دا ڤان چار سالان دا ئەو بابەتێن قوتابی دخینن بارا پتر گرێدای ژمێریاری نە لێ تەکنەلوجیا ژی ب شێوەیەکێ بەرفرەھ دخینن دا کو بشێن کاروبارێن ژمێریاری ب شێوەیەکێ ئەلیکترونی ب رێڤە ببەن .ئەڤ پشکە ھەولدەت کەسانێن شارەزا بنیات بینیت د بوارێن ژمێریاری دارای دا دا کو بشێن کاربکەن د کومپانیایێن کو پێتڤی ب تەکنیکێن کومپیوتەری ھەین بو ئەنجامدانا ئەرکێن خو یێن دارای و ژمێریاری ھەروەسا کار بکەن ل دەزگەھێن دارای و بانکی دا،ھەروەسا رێکخستنا حساباتا و ئامادەکرنا بودجی د ھەر دەزگەھەکێ دارای دا،ھەروەسا د شێن کار بکەن وەک ژمێریاریارێ مەزاختیان یان ژمێریارێ کارگێری.

ئێکە ژ پشکێن کولێژا تەکنیکی کارگێری کو خاندن تێدا چار سالن و د ڤان چار سالان دا قوتابی زانستێن کارگێری ب باشی د خینن چاوانیا رێڤەبرنا فەرمانگەھا و کومپانیایا ژـلایەنێ کارگێری ڤە ،خاندن ل ڤێ پشکێ ب شێوەیەکی گشتی کوردی و ئینگلیزیە ، پشتی قوتابی ل ڤێ پشکێ دەردچن دشێن ل فەرمانگەھێن حکومی د بیاڤێ کارگێری و رێڤەبرنا وان فەرمانگەھا دا کاربکەن و ھەروەسا د کەرتێ تایبەت ژی دشێن شول بکەن وەک کەسێن کاریگەر ب رێڤەبرنا کومپانیا ا فەرمانگەھا.

20- کۆليژا تەکنیکی تەندروستی شێخان

تەکنەلوجیایا تاقیگەھێن پزیشکی/تحلیلات ئێکە ژ بەشێن کولێژا تەکنیکی تەندروستی یا سەر ب زانکویا پۆلی تەکنیک ڤە ،ئەڤ پشکە دکەڤیتە باژاروکێ شێخان ،خاندن ل ڤێ پشکێ چار سالن د ڤێ پشکێ دا قوتابی گەلەل بابەتێن تەندروستی دخینن تایبەت ئەو بابەتێن گرێدای فەحسا ئانکو پشکنینا ،خاندنا وێ بابەتێن پزیشکی نە لەوما بارا ھەرە پتر ب زمانێ ئینگلیزی ،قوتابیێن دەرچوی ل ڤێ پشکێ دشێن د بیاڤێن تایبەت تەندروستی دا کار بکەن تایبەت ل تاقیگەھێن تەندروستی ئانکو ئەو تاقیگەھێن کو پشکنین (فحص)تێدا دھێنە کرن، ئەگەر دامەزراندن ھەبوو ئەول نەخوشخانێن حکومی دھێنە دامەزراندن ئەگەر نەبوو دشێن ل نەخوشخانێن تەیبەت ئانکو ئەھلی کارێ فحصا بکەن.
ئەڤ بەشە سالا بووری قوتابیێن نوی وەرنەگرتن ، لێ رەنگە ئەڤ سالە دووبارە دەست ب وەرگرتنا قوتابیان بکەن .

ئەڤ پشکە ئێکێ ژ پشکێن کولێژا تەکنیکی تەندروستی یا سەر ب زانکویا پۆلی تەکنیک دھوک ڤە ،ئەم پشکە تنێ ل باژێرێ شێخان یا ھەی و خاندن تێدا چار سالن قوتابی ڤان تشتا دخینن دیتنا رێکەکى بو کومەلگەهەکا زیاتر تەندروست د رێکا پێش ئێخستنا زانیاریا تەندروستى یا گشتى درێکا ڤەکولینێ و خزمەتکرنێ و وفێرکرنا پسپورێ تەندروستى یا گشتى بو ژێکڤەکرنێ و سەرکردایەتى یا فێرکرنێ و ڤەکولینێ وخزمەتکرنێ ‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬.
‫‫دەرچویێن پشکا تەندروستى کومەل دێ رابن ب خزمەتکرنا تەندروستى یێ و رێگرى کرنا بەلاڤبونا نەخوشیا.‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬
ناڤ ونیشانا کارى بو دەرچویین تەندروستى کومەل
جێ بجێ کرنا پروگراما چاڤدێریا تەندروستى یا دەست پێکى
خزمەتگوزاریین تەندروستى یا گشتى
خزمەتگوزاریین تەندروستى یا ژینگەهێ
خزمەتگوزاریین تەندروستى یا پیشەیى
خزمەت گوزاریین چاڤدێریا تەندروستى بوگەرەکێن تەندروستى یا گشتى
کونترول کرن ل سەر نەخوشیین ڤەگوهاستى وبەربەلاڤ
بەشداریکرن د ڤەکولینێن تەندروستى و ژینگەهێ و جێ بجێکرنا ڤەکوینان بو خوپاراستنێ
چێکرنا وان کەل وپەل و هەمى وان پێتڤیین گرێداى ب پروگرامێن تەندروستى یا خوپاراستنێ

21- کۆليژا تەکنیکی ئینفورماتیک ئاکرێ

ئێکە ژ پشکێن کولیژا تەکنیکی ئینفورماتیک ل باژێری ئاکرێ کو خواندن تێدا چار سالن و سەر ب زانکویا پۆلی تەکنیک دھوک ڤەیە . تەکنەلوجیای زانیارى دوو رامانا دگەهینیت . رامانا ئێکى بکارئینانا وێ دگەل هەمی ئەرکێن کومپیوتەرى ب شیوەیەکى گشتى ، و رامانا دووێ ئاماژە ب هەمی پروگرامێن پراکتیکى ددەت کو قوتابی شیان هەبن بو پەیداکرنا پێتڤیێن تەکنەلوجیایێ ل بوارێن بازرگانى ، حکومى ، تەندروستی ، خواندنێ ... هتد ، پشکا تەکنەلوجیای زانیارى کاردکەت بۆ فێرکرن و پێشڤەبرنا ئاستى قوتابی دا بشێت کاربکەت ل دامودەزگایێن حکومی و تایبەت د بوارێ تەکنەلوجیای زانیاریدا بو مەرەما خزمەتکرنا پێوستیێت کومەلگەهێ . ئەو کەسێن بسپور ل تەکنەلوجیای زانیاریدا ، شیانێن کارکرنێ دی هەبن ل هەر کومپانیەکا بازرگانى یان هەر فەرمانگەهەکا ئەڤى تەکنەلوجیایێ بکاردئینیت ، ب شێوەیەکێ گشتى بسپورێن بوارێ تەکنەلوجیای زانیاری شیانێن پێشکێشکرنا خزمەتگوزاریێن پەیوەندى ب پروگرامسازی و هاردوێر و داتا بێس و مالپەر و تورێن ئەنتەرنێتى ڤە هەنە .

ئێکە ژ پشکێن کولیژا ئینفورماتیک ئاکرێ کو سەر ب زانکۆیا پۆلی تەکنیک ڤەیە و خواندن ل ئەڤێ پشکێ چار سالن ، د ئەڤێ پشکێ دا خواندنه‌كا باش و جياواز ب رێكا تيور و پراكتيكێن زانستى و دگه‌ل شاره‌زايا هه‌ی بۆ ئاماده‌كرنا ده‌رچووێن شاره‌زا وخودان پێزانينێن زۆر و فێرى مه‌هاراتێت پێدڤى دکەت ، داكو بشێن هه‌ڤركيێ بكەن دگەل بازارێ كارى و بشێن رابن ب ڤه‌كولينێن زانستى و رابن ب دروستكرنا جهێ كارێ كارتێكه‌ر داكو ستافێ زانستى ژى بشێن پشكداريێ بكەن د ڤه‌كولينێت پێشكه‌فتى دا داكو پتر بشێن خزمه‌تا كومه‌لگه‌هێ بكەن ، بسپوريا تايبه‌تمه‌ند دبوارێ خواندن و ڤه‌كولينێن پاراستنا كومپيوته‌رى دا . و كارپێكرن ب رێنمايێن به‌شى بۆ بجهـ ئينانا پێدڤيێت كومه‌لگه‌هێ ب شێوه‌يه‌كى ئه‌كتيڤ .

22- کۆليژا تەکنیکی ئاکرێ

ئێکە ژ پشکێن کولیژا کارگێری تەکنیکی ئاکرێ کو سەر ب زانکویا پۆلی تەکنیکە ل دھوکێ و خواندن ل ئەڤێ پشکێ چارسالن ، د ئەڤێ پشکێ دا قوتابی فێردبن ژبو دروست كرنا رێكێن نوى بۆ زێده‌كرنا به‌رهه‌مى رووه‌كى و باشكرنا كواليتيا وێ ب كارئينانا ته‌كنيكێن جوراوجور بو په‌روه‌ردكرنا شانێن رووه‌كى و هه‌روه‌ها په‌روه‌رده‌كرنا رووه‌كێن ناڤا ره‌زگه‌ريێدا بو مه‌ره‌ما هاندانا بازارێن نافخويێ . ديتنا به‌شێ ره‌زگه‌رى ئه‌وه‌ كو ئه‌ڤ به‌شه‌ ببيته‌ جهه‌كێ پێشكه‌فتى ل ئاليێ ره‌زگه‌ريێ ڤه‌ . ئه‌ف به‌شه‌ كاردكه‌ت ژبو دابينكرن و مسوگه‌ركرنا خوارنا مروڤى و هه‌ولدان بو كارئينانا رێكێن پێشكه‌فتى ل ژێر سه‌رپه‌رشتيا كه‌سانێن ئه‌كاديمى يێن بسپور . هه‌روه‌سا كاردكه‌ت ژبو دروستكرنا رێكێن نوى بو زێده‌كرنا به‌رهه‌مى رووه‌كى و باشكرنا كواليتيا وێ ب كارئينانا ته‌كنيكێن جوراوجور بو په‌روه‌ردكرنا شانێن رووه‌كى و هه‌روه‌سا په‌روه‌رده‌كرنا رووه‌كێن ناف ره‌زگه‌ريێدا بو مه‌ره‌ما هاندانا بازارێن نافخويێ . دەرچویێن ئەڤێ پشکێ فێری ڤان تشتان دبن قوتابى دێ پێزانينا لسه‌ر هه‌مى جورێت رووه‌كێن ره‌زگه‌ريێ و رێكێن زووربونا وان هه‌روه‌ها به‌رهه‌ئينانا نه‌مامێن فێقى وه‌رگریت ، قوتابى دێ فێربيته‌ چه‌وانيا چاندنا جورێت سه‌وزه‌واتى ل زستانێ و هاڤينێ ل دويڤ پلانا ده‌مى و رێكێن پێشكه‌فتى یێن چاندنێ و به‌رهه‌رم ئينانێ ، قوتابى دێ فێربيت كو چه‌وا باغچا دروست و ديزاين بكه‌ت و سه‌رپه‌رشتيێ بكه‌ت ، قوتابى دێ فێربيت كو چه‌وا نه‌ماگه‌ها و خانيێن پلاستيكى و شوشه‌يى دروست بكه‌ت و سه‌ره‌ده‌ريه‌كا زانستى يا دروست دگه‌ل بكه‌ت .

23- کۆليژا تەکنیکی پترول و کانزاکان زاخو

خواندنا ئەڤێ پشکێ ل سەر زانستێن عەردی و جورێن پەترولێ و گازا یە ، خواندن ل ئەڤێ کولێژێ چار سالن و د سالا ئێکێ دا گەلەک بابەتێن گشتی دخوینن لێ سالا دیڤدا ب کویری د چنە ناڤ بابەتێن گرێدای پشکێ ڤە ، خواندنا وێ ب شێوەیەکێ گشتی ب زمانێ ئینگلیزی یە ، پشتی قوتابی ئەڤێ پشکێ تمام دکەت دێ بیتە کەسەکێ شارەزا د بیاڤێ زانستێن عەردی و ھەروەسا نەفتێ دا ، دەرفەتا کاری بو ئەڤێ پشکێ دگەل کومپانیایێن نەفتێ گەلەکا باشە و ھەروەسا دشێی دگەل رێکخراوێن د ئەڤی بیاڤی دا کار بکەی ، تایبەت ئەگەر ئینگلیزیا تەیا باش بیت .

24- پەیمانگەهێن تەکنیکی

خواندن ل ئەڤێ پشکێ دوو سالن ب شێوەیەکێ گشتی ب زمانێ ئینگلیزی یە ، قوتابی گەلەک بابەتان ل دوور چاوانیا دروستکرن و بکارئینانا دەرمانان و شێوێن وێ دخوینن ، ئەڤان دوو سالان پشتی قوتابی خواندنا خو تەمام دکەت دێ بیتە خودان برواناما دبلوم ب دەرمانسازیێ و ناسناڤێ قوتابی دێ بیتە ھاریکارێ دەرمانسازی ، ئانکو ھاریکارێن ئەو قوتابیێن کولیژا دەرمانسازیێ تەمام دکەن ، پشتی قوتابی خواندنا خو تەمام دکەت ، دشێت ل دەرمانخانێ کار بکەت ، ھەروەسا د شێن ل نەخوشخانێن تایبەت کار بکەن ، لێ قوتابی ماف نابیت دەرمانخانا خو یا تایبەت ڤەکەت ، ئەگەر قوتابی ل سەر ئاستێ ھەردوو سالا بوو دەرچوویێ ئێکێ ، دێ شێت ل کولیژا دەرمانسازی بخوینیت .

خواندن ل ئەڤێ پشکێ دوو سالن ، قوتابی گەلەك بابەتێن تەندروستی دخوینن ، ب تایبەت ئەو بابەتێن گرێدای فەحسا ئانکو پشکنینا ، خواندنا وێ بابەتێن پزیشکی نە ، لەوما باهرا پتر ب زمانێ ئینگلیزیە ، قوتابیێن دەرچووی ل ئەڤێ پشکێ دشێن د بیاڤێن تەندروستیێ دا کار بکەن تایبەت ل تاقیگەھێن تەندروستی ئانکو ئەو تاقیگەھێن کو پشکنین (فحص) تێدا دھێنە کرن ، ئەگەر دامەزراندن ھەبوو ئەول نەخوشخانێن حکومی دھێنە دامەزراندن ئەگەر نەبوو دشێن ل نەخوشخانێن تەیبەت ئانکو ئەھلی کارێ فحصا بکەن.

خواندن ل ئەڤێ پشکێ وەکی ھەمی پەیمانگەھێن دی دوو سالن و ب زمانێ ئینگلیزیە ، قوتابی ب شێوەیەکێ بەفرەھ بابەتێن گرێدای پەرستاریێ دخوینن وەکو بابەتێن گرێدای بەرگریا لەشێ مروڤی ، چەوانیا ڤەگوھاستنا نەخوشیا ، ھەروەسا جورێن نەخوشیا دخوینن یێن گران و سڤک و ریدان چاوانیا پێشکێشکرنا چارەسەریێن دەسپێکی ، ھەروەسا بابەتێن گەلەک گرنگ دخوینن ل سەر چاوانیا سەرەدەری کرنێ دگەل نەخوشان پشتی قوتابی خواندنا خو دوو سالان ب دوماھیک دئینن ، دبنە هەلگرێن باوەرناما دبلومێ د پەرستاریێ دا ، ئانکو دەرچوویێن ئەڤێ پشکێ دشێن ل نەخوشخانێن حکومی و یێن تایبەت کارێ پەرستاریێ بکەن ، ل نەخوشخانێ دا پەرستار گەلەک کاران دکەن وەکی ، درینا برینان ، ھێلکاریا دلی ، دەرزی لێدان و کانیولە دانان و ھاریکاریکرنا پزیشکی ... هتد .

خواندن ل ئەڤی بەشی بتنێ دوو سالن و ب شێوەیەکێ گشتی خواندن ب زمانێ ئینگلیزی یە ، ھەروەسا دڤێت قوتابی ب بیرکاریێ یێ زیرەک بیت دا بشێت یێ سەرکەفتی بیت د ئەڤی بەشی دا ، تەکنەلوجیای زانیارى دوو رامانا دگەهینیت . رامانا ئێکى بکارئینانا وێ دگەل هەمی ئەرکێن کومپیوتەرى ب شیوەیەکى گشتى ، و رامانا دووێ ئاماژە ب هەمی پروگرامێن پراکتیکى ددەت کو قوتابی شیان هەبن بو پەیداکرنا پێتڤیێن تەکنەلوجیایێ ل بوارێن بازرگانى ، حکومى ، تەندروستی ، خواندنێ ... هتد ، پشکا تەکنەلوجیای زانیارى کاردکەت بۆ فێرکرن و پێشڤەبرنا ئاستى قوتابی دا بشێت کاربکەت ل دامودەزگایێن حکومی و تایبەت د بوارێ تەکنەلوجیای زانیاریدا بو مەرەما خزمەتکرنا پێوستیێت کومەلگەهێ . ئەو کەسێن بسپور ل تەکنەلوجیای زانیاریدا ، شیانێن کارکرنێ دی هەبن ل هەر کومپانیەکا بازرگانى یان هەر فەرمانگەهەکا ئەڤى تەکنەلوجیایێ بکاردئینیت ، ب شێوەیەکێ گشتى بسپورێن بوارێ تەکنەلوجیای زانیاری شیانێن پێشکێشکرنا خزمەتگوزاریێن پەیوەندى ب پروگرامسازی و هاردوێر و داتا بێس و مالپەر و تورێن ئەنتەرنێتى ڤە هەنە .

خواندن وەکی ھەمی پەیمانگەھێن دی دوو سالن و د ئەڤان دوو سالان دا قوتابی زانستێن کارگێری ب باشی د خوینن و چاوانیا رێڤەبرنا فەرمانگەھا و کومپانیا ژ لایەنێ کارگێری ڤە ،خواندن ل ئەڤێ پشکێ ب شێوەیەکی گشتی کوردی و عەرەبیە ، پشتی قوتابی ل ئەڤێ پشکێ دەردچن دشێن ل فەرمانگەھێن حکومی د بیاڤێ کارگێری و رێڤەبرنا وان فەرمانگەھا دا کاربکەن و ھەروەسا د کەرتێ تایبەت ژی دشێن کار بکەن وەک کەسێن کاریگەر ب رێڤەبرنا کومپانیا و فەرمانگەھا .

خواندن ل ئەڤێ پشکێ دوو سالن ، د ماوێ ئەڤان دوو سالان دا قوتابی زانستێ کارگێریا برێڤەبرنا دامودەزگەھێن تەندروستی فێردبن ، ئانکو ئەڤ پشکە نە یا پزیشکی یە ، بەلکو یا کارگێری یە ، کارگێریا ئانکو ئیدارا جھێن ساخلەمیێ ، كارگێريا تەندروستی هه‌ول دده‌ت قوتابيێن خو د دوو سالێن خواندنێدا فێرى زانسته‌كی بكه‌ن كو شاره‌زابن بۆ برێڤه‌برنا نه‌خوشخانان و چاره‌سه‌ركرنا ئاريشێن كارگێرى ل نه‌خوشخاناندا و دانا بريارێن كارگێرى یێن گرنگ و دێ بزاڤێ كه‌ن كو باشترين باوه‌رناما دبلومێ پێشكێشى ده‌رچووێن خو بكه‌ن ، داكو بشێن ل هه‌مى نه‌خوشخانێن گشتى و تايبه‌تدا كاربكه‌ن و ب ئەڤان ده‌رچوويان نه‌خوشخانێن مه‌ روژ ب روژ ژ لايه‌نێ كارگێرى ڤه‌ دێ به‌ره‌ڤ پێشڤه‌چونێ ڤه‌ چيت .

ئەڤ پشکە ژی وەکی ھەمی پەیمانگەھێن دی خواندن تێدا دوو سالن و د ئەڤان دوو سالان دا قوتابی ل ئەڤێ پشکێ بابەتێن گرێدای ب ژمێریاریێ ڤە ب شێوەیەکێ بەفرەھ دخوینن و بابەتێن ئەڤێ پشکێ باهرا پتر گرێدای بیرکاریێ نە و قوتابیێن ئەڤێ پشکێ پشتی خواندنا خۆ تەمام دکەن ، دبنە خودانێن باوەرناما دبلومێ ب زانستێن ژمێریاریێ . ئەڤ بەشە ئێک ژ پشکێت گرنگە ژبەرکو دھێتە دیتن کو رولێ خۆ د بینیت ل ھەمی بازارێت ناڤخویی و ئەقلیمی کو دھێنە ئەنجامدان ژلایێ ژمێریارێن خودان شیان بو ب رێڤەبرنا پروگرامێن زانستی و خزمەتکرنا جڤاکی . خواندن ل ئەڤی بەشی باھرا پتر ئەوان بابەتان ب خۆڤە دگریت کو گرێداینە ب ھژمار و زانینا بکارئینانا کومپیوتەری ب شێوەکێ دروست و ھەروەسا ب رێڤەبرنا کاروبارێن ھژماری . ئارمانجا ئەڤێ پشکێ ئەوە دابینکرنا پروگرامێن ژمێریاری ل ھەمی بازاران بو ب رێڤەبرنا کاری . دەرفەتێن کاری بو ژمێریاریا ل گەلەک دەزگەھێن حکومی و کومپانیایێن ئەھلی یێن ھەین ، ل پتریا فەرمانگەھا پێدڤی ب ژمێریارا ھەیە .

ئەڤ پشکە ب مەرەما ھندێ ھاتیە ئاڤاکرن کو رادبیت ب مەشقکرنا قوتابیا بو زێدەتر زانین و شەھرەزایا وان دبیاڤێن گەشتیارکرنا خەلکی بو دەڤەران و ئوتێلان و خارنگەھان . ژبەر ھندێ ئەو بابەتێن قوتابی دڤان ھەردوو سالێن خواندنێ دا د خوینن ، بەھرا پتر گرێداینە ب چەواییا برێڤەبرنا کاروبارێن گەشتیاران ل دەمێ گەشتێ دا و زانینا ژینگەھا وێ دەڤەرا گەشتێ بو دبەن ، دیسان زانینا رێکێن بھێنڤەدانا گەشتیاران..ھتد. دیسان کەسانێن ل ئەڤێ پشکێ دخوینن دڤێت کلتورێ وەلاتێ خوو بزانن ، داکو ژبۆ گەشتیاران بدەنە نیاسین ، دیسان ھاریکاریکرنا رێکخراوێن گەشتیاری ب رێکا دانا پێزانینان لسەر گەشتێ و گەشتیاران ب رێکا ھندەک راپورت و ڤەکولینێن زانستی . دەرچویێن ئەڤێ پشکێ باوەرناما دبلۆمێ د زانستێن گەشتیاری دا وەردگرن.

ھەروەکو ئەم دزانین کو نێتورک ئێک ژ زانستێن کومپیوتەری یە ، کو مروڤی ژ جیھانەکا بچیک د بەتە جیھانەکا مەزن ، یا تێدا گەلەک رێکێن گەھاندنێ ، فروتن و کرینێ ، زانینا زانیاریان ، نامە ، پەیوەندی ، پوستێن ئەلکترونی و...ھتد. دەرچویێن ئەڤێ پشکێ پێزانینێن تەمام وەردگرن ژبو زانین د وان بوارێن ل سەری مە ئاماژە پێ کری . ئەڤ بەشە ھەولددەن باشترین و شارازاترین ستافێن خودان شیان ئامادەبکەن بۆ کارکرنێ و د بوارێ دانان و چاککرن و سەخبیریکرنا تورێن کومپیوتەری و موبایلێ و ئەنتەرنێتێ . د ئەڤان ھەردوو سالان دا قوتابی مەنھەجەکێ ب مفا و دەولەمەند د خوینن بو مەبەستا زانینا کومپیوتەری و تەکنلوجیا زانیاریان و دیسان پروگرامێن کومپیوتەری و دیسان یا ھەرە گرنگ پروگرامکرنا کومپیوتەری کو جیھانەکا گەلەک یا بەرفرەھە ، دیسان زانینا چەواییا دانان بەرنامجان بو کومپیوتەران و سەخبیریکرنا وان . و دروستکرنا مالپەرێن ئەنتەرنێتێ . دیسان دەرچویێن ئەڤێ پشکێ ژبلی ئەوان ھەمی دەرفەتێن کاری یێت مە بەحس کرین دشێن دیسان ببنە ماموستا و وانان بێژن ل قوتابخانان .

ژبەرکو کەرتێ چاندنێ یێ گرنگە بو ژیانامە ، ئەڤ بەشه دێ هەولدت كو پروگرامەكی پێشكێشى قوتابیێن خۆ بكەت كو باوەرناما دبلوم بدەستڤەبینن و فێرى زانستێ چاندنا پاراستنێ بكەت و شارەزا بكەن دكارێ خزمەتگوزاريدا . ھەبوونا ئەڤی بەشی دێ بیتە پالدەرەک ژبو پەیداکرنا جوتیارێن خودان شارەزایی ، کو د شارازابن د بوارێ چاندنێ و بەرھەمی کو پێزانینێن تەمام ل سەر ئەڤی بواری ھەبن . ئەڤ بەشە دێ بيته رێكەك بو پێشئێخستنا بەرهەمێ مه يێ چاندنێ و يێ خومالى ، هەروەسا چەوانیا زانينا رێكێن بەرهەمئينانا كەسكاتى و چاندنێ ب شێوەيەكێ زانستى پروڤيشنال ، دەرچوویێن ئەڤی بەشی پشتی خواندنا خۆ فێری گەلەک تتان دبن ، ژوان ژی دانانا نەخشه و ئەندازەیێن نوی یێن چاندنێ ژبو بەرهەمئينانا باشترين تووڤ ، چەوانیا چاندنا روەکان د ھەمی وەرزێن سالێ دا ، دیسان سیستەمێ ئاڤدان و کولانا زەڤیان ، و زانينا كەش و هەواىێ دناڤ ئاخێ دا و رێژا شھێ دناڤ عەردى دا .

ئەڤ بەشە وەکی ژناڤێ وێ دیار بەشەکێ گرێدای ب وەرگرتنا وانێن زانیاریان ل دور ھژمار و برێڤەبرنێ و ئامار و ژمێریاریانە ، ل قوناغا ئێکێ کو پێک دھێت ژ وانێن تیوری و پراکتیکی . ل قوناغا دووێ ژی بابەتێن گرێدای ب سیستەمێ پەیوەندیان و ڤەکولینێن زانستی...ھتد . گرنگیا ئەڤی بەشی د ھندێ دایە کو ژينگه‌هه‌كا زانستى و پيشه‌يى يا ئاست بلند بو په‌يداكرنا كادره‌كى ئاست به‌رز كو د گه‌ل پێتڤيێن بازاری ب گونجیت پەیدابکەت . و ھەروەسا دابينكرنا ژينگه‌هه‌كا پشته‌ڤان بو فێركرنێ و خواندنێ و ڤه‌كولينا زانستى ب رێكا پشتبه‌ستنێ ب كادره‌كێ داهێنه‌ر بو ب دەست ڤەئینانا پێتڤیێن جڤاکی . ئێک ژ ئارمانجێن ئەڤێ پشکێ ئەوە کو د سەرکەفتی بن د پێشڤەبرنا جڤاکی و بكارئينانا ته‌كنولوجيا زانياريا دپروسسا فێركرنێ دا وئاڤاكرنا شاره‌زاهيا ودورستكرنا په‌يوه‌نديان دگه‌ل جڤاكى.

یاسا ئێک ژ بنەمایێن گرنگێن ژیانا مروڤی نە ، بۆ پتر بەردەوام بوون و کونترولکرنا ھەر ئاریشە و پئکداچوونەکێ . ژبەر ئەڤی ئەگەری ھەر قوتابیەکێ حەزا خواندنێ ل ئڤی بەشی ھەبیت ، دڤێت گیانێ دادوەریێ ژی د ھەمان دەم دا ل دەڤ ھەبیت . قوناغێت خواندنێ ل ئەڤی بەشی دوو قوناغن ، ل قوناغا ئێکێ یا کارگێری یاسا ، پێک دھێت ژ نەھ بابەتان ، بابەتێ ژ ھەمیا گرنگتر ، یاسایێن سزای نە ، کا د چەوانە ئەڤ یاسایە ل سەر دەولەتێ . دەرچویێن ئەڤی بەشی دەرفەتا کارکرنێ یا ھەی کو ل فەرمانگەھان کار بکەن یان ژی ببنە ھاریکارێن پارێزەران ، و دبنە عەریزچی ، و دشێن ل دادگەھا کاربکەن ، و گەلەک کارێن دی .

خواندن ل ئەڤی بەشی دوو سالن ، ل ئەڤی بەشی ماوێ ئەڤان دوو سالان دا قوتابی بابەتێن پراکتیکی و تیوری ھەردووکان وەردگرن ، خواندنا ئەڤی بەشی ل سەر ھندێ یە کو ئەم بزانین ئایا ئەڤ ماددێن کانزایی یێن پترولێ بکێردھێن ئەم بکاربینن یان بکێرناھێن ، بۆ نموونە مە ھندەک پترول پەیداکر ، ل دەسپێکێ دێ ماددێن وێ ژێک جودا کەین ، کا چەند ژ ئەوێ پترولێ گازە یان پانزینە یان گازوایلە ، دیسان دێ ب رێکێن زانستی تاقیکرنێ سەر پترولێ کەن کا دێ د شیاندا هەبیت بهێتە بکاربرن یان نە و ئەوا بکێر نەھێت دێ برێکا ئامیرێن تایبەت هێتە سۆتن ، لێ ب وی مەرجی کو کارتێکرنێن خراب ل ژینگەهێ نەکەت . دەرچوویێن ئەڤێ پشکێ ب شێوەیەکێ گشتی دشێن ل کومپانیێن گرێدای پترولی ڤە کار بکەن و شارەزا دبن د بیاڤێ کارپێکرنا یەکەیێن پارزنینا پترولێ و یەکەیێن سەر ب وانڤە ، وەکی یەکەیێن ژێکڤەکرنا گازا رەش ، یەکەیێن ھیدروجینکرنا بەرھەمێن سڤک ، یەکەیێن گەشەپێدانا پانزینێ ، یەکەیێن دروستکرنا رونێن جوراوجور و تێکھەلکرن و داگرتن و پاککرن و عمبارکرنێ و ... هتد .

ئێکە ژ پشکێن پەیمانگەھا دھوک یا تەکنیکی کو خواندن تێدا دوو سالن و د ئەڤان دوو سالان دا قوتابی گەلەک بابەتێن گرێدایی ئەندازیاریێ دخوینیت وەک drawing و construction و گەلەک بابەتێن دی ،ھەروەسا چونکی خواندنا وانا گرێدایی ئەندازیاری یە بابەتێن فیزیا و بیرکاری گەلەک تێدا دهێنە خواندن و پشتی قوتابی ل ئەڤێ پشکێ خواندنا خو تمام دکەن ، دشێن وەک ھاریکارێ ئەندازیاری کاربکەن ل ل سەر پرۆژان و دگەل کومپانیان .

ئێکە ژ پشکێن پەیمانگەھا تەکنیکی دھوک کو ماوێ خواندنا وێ دوو سالن ، ئەڤ پەیمانگەھە د بەرێ دا دگوتنێ میکانیک ، لێ د نوکەدا ناڤێ وێ ھاتیە گھورین بو پیشەسازیا تەکنەلوجیا ، ئەم دشێین بێژین بابەتێن گرێدای ئامێرین میکانیکی دخوینن ھەروەسا کارەبێ و گەلەک بابەتێن دی ، پشتی قوتابی ژ ئەڤێ پشکێ ب دوماھیک دھێن ، دشێن دگەل کومپانیایێن گرێدایی ئامیرا و ھەروەسا دشێن جھەکێ تایبەت ڤەکەن بخو ژبۆ ئاریشێن ئامیرا و ترۆمبێلا و کارەباییا وانا .