باشکرنا تێکرای - تحسین معدل

باشکرنا تێکرای یان تحسین معدل ئەوە کو قوتابی ل پولا دوازدێ ب هەمی بابەتا دەرچووبیت و معەدەلێ وی بدلی نەبیت ، دێ شێت کەتە تحسین معدل ئانکو قوتابی دێ ساڵا دیڤدا تاقیکرنێن ویزاری کەتەڤە و بێی تاقیکرنێن تەمهیدی یێن داخل بوونێ ، واتە بتنێ دێ پشکداری تاقیکرنێن ویزاری بیت و دێ ب شێوێ دەرەکی خوینیت ئانکو ناچیتە قوتابخانێ بخوینیت ، ئانکو بتنێ قوتابیێ دەرچووی دشێت بکەتە تحسین معدل ، ئەگەر قوتابی ب بابەتەکی یان پتر کەڤتبیت ، نەشێت بکەتە تحسین معدل ، هەروەسا ئەگەر قوتابی معەدەلێ خو یێ ساڵا دووێ بلندتر لێکر ژ یێ سالا ئێکێ دێ یێ ساڵا دووێ ئەوێ بلندتر بو هێتە هژمارتن و ئەگەر قوتابی ساڵا دووێ دەرنەچوو یان نەشیا معەدەلێ خو بلندتر لێ بکەت ل وی دەمی دێ معەدەلێ سالا ئێکێ بو هێتە هژمارتن ، هەردیسان ئەو قوتابیێ بکەتە تحسین معدل دڤێت هەمی بابەتان بکەتەڤە ، نەکو بتنێ ئەوێن وی دڤێن .

دەرەکی - خارجی

خواندنا دەرەکی (خارجی) تایبەتە بۆ وان قوتابیان ئەوێن دوو سالا یان پتر ل پولا دوازدێ ڤەماین ئانکو دەرنەچووین ، قوتابیێ دوو سالان یان پتر کەڤتبیت ، دشێت بکەتە دەرەکی و پشکداریێ د تاقیکرنێن ویزاری دا بکەت ، لێ دڤێت پشکداری تاقیکرنێن بەراهیێ (تەمهیدی) ببیت داکو بشێت داخلی تاقیکرنێن ویزاری بیت .

ئێکسەر - دخول مباشر

ئێکسەر یان (دخول مباشر) ، ئەگەر قوتابی سالا وی یا ئێکێ بیت ل پولا دوازدێ و داخلی ویزاری ببیت ، لێ دەرنەچووبیت یان تاقیکرنێن ویزاری نەکربن یان ب هەر رێکەکا هەبیت ، ئەو دشێت بۆ سالا دووێ دووبارە درێژیێ بدەتە خواندنا خۆ لێ ب شێوێ دەرەکی ، ئانکو ناچیتە قوتابخانێ ، هەروەسا قوتابیێن دکەنە ئێکسەر ، دێ ئێکسەر چیتە تاقیکرنێن ویزاری ، ئانکۆ پشکداریێ د تاقیکرنێن بەراهیێ (تەمهیدی) ناکەت .

ئێک بابەتی و دوو بابەتی - عبوور

ئێک بابەتی و دوو بابەتی (عبوور) ، ئەگەر قوتابی ب بابەتەکی یان دوو بابەتان کەڤت و پێ دەرنەچوو ، و ئەگەر نەڤیا دووبارە هەمی بابەتا بکەتەڤە ، هینگێ دشێت وی بابەتی یان وان هەردوو بابەتا بکەتە عبوور و سالا دیڤدا بتنێ وی بابەتی یان وان هەردوو بابەتا ل تاقیکرنێن ویزاری بکەت ، و نمرێن بابەتێن دیتر دێ هەر وەکی خۆ مینن ئەوێن قوتابی پێ دەرچووی ، بتنێ دێ تاقیکرنێ ب بابەتن خۆ ئەوێن کرینە عبوور کەت .

تاقیکرنێن بەراهیێ - تەمهیدی

ئەڤ تاقیکرنە تایبەتن بۆ قوتابیێن کرینە دەرەکی (خارجی) ، ئەوێن ب هەمی بابەتا ڤەماین و خواندنا خۆ ب شێوێ دەرەکی دخوینن ، ئەڤ تاقیکرنە هەرسال ل هەیڤا 2 دهێنە ئەنجامدان و تاقیکرن پشتی نیڤرۆ دەستپێدکەن . بتنێ قوتابیێن کرینە دەرەکی ب هەمی بابەتان ، ئەو پشکداری ئەڤان تاقیکرنان دبن داکو چارەنڤیسێ وان دیاربکەت کا دێ داخلی ویزاری بن یان نە ، ئانکو تاقیکرنێن بەراهیێ تاقیکرنێن داخلبوونێ نە بۆ قوتابیێن دەرەکی . قوتابیێن تحسین معدل و ئێکسەر و عبوور ، پشکداریێ د ئەڤان تاقیکرنان دا ناکەن .