كۆلیژا پەروەردا جەستەیی و زانستێن وەرزشی مزگینیێ ددەتە قوتابیێن خۆشتڤی، كو دەرگەھێ پێشكێشكرنێ بۆ كۆلیژا پەروەدا جەستەیی و زانستێن وەرزشی ڤەبوویە و دەست ب دابەشكرنا فۆرمێن وەرگرتنا راستەوخۆ بۆ سالا خواندنێ 2023 – 2024 ھاتیە كرن، ھەر ژ رێكەڤتی 14ـی گولانێ 2023.

مەرجێن وەرگرتنا قوتابیا ب ئەڤی شێوێ ل خوارێ یە:

أ ‌– مەرج بۆ وەۆرگرتنا دەرچوویێن پۆلا دووازدێ ئامادەیی:

1 – پێدڤیە قوتابی دەرچوویێ پولا دووازدێ ئامادەیی پشكێن "زانستى یان وێژەیی" یێن سالا خواندنێ 2021 – 2022 و 2022 – 2023 بیت، سەبارەت قوتابیێن دەرچوویێن سالا خواندنێ 2020 – 2021 مافێ هەیی داخوازیێ پێشکێش بکەت بمەرجەکێ ل چ کۆلیژ یان پەیمانگەهەکێ نە هاتبیتە وەرگرتن، كو دێ سۆزنامەک ل دۆر ئەڤێ چەندێ ژێ ھێتە وەرگرتن.

2 – پێدڤیە قوتابی دەرچوویێ خواندگەهێن سنورێ هەرێما کوردستانێ بیت یان دەڤەرێن کوردستانى یێن دەرڤەیی هەرێما کوردستانێ. بمەرجەکێ تاقیکرن ب سیستەمێ هەرێما کوردستانێ ئەنجامدابن.

3 – پێدڤیە قوتابی ژدایک بوویێ سالا 1998 یان سەردا بیت.

4 – پێدڤیە تێکرایێ نمرێن قوتابی ژ 60 % کێمتر نەبیت بۆ هەردوو رەگەزا.

5 – د دەمێ پێشبرکێ دا کونمرا قوتابی ب رێژا 60 % دێ هێتە هژمارتن و کونمرا 40 % دێ ل سەر توانستا جەستەیی "اللیاقة البدنیة" بیت، ب مەرجەکێ دڤێت قوتابی د تاقیکرنێن توانستا جەستەیی دا دەربچیت و بسەرکەڤیت.

6 – پێدڤیە درێژاهیا قوتابیێ کور ژ 165 سم کێمتر نەبیت و درێژاهیا قوتابیا کچ ژ 155 سم کێمتر نەبیت.

7 – پێدڤیە قوتابی د پشکنینێن تەندروستى یێن گشتى دا دەربچیت.

8 – پێدڤیە قوتابی د چاڤپێکەڤتنا کەسایەتى و تاقیکرنێن جەستەیی "اللیاقة البدنیة" و "تەکنیکى، کارامەیی، مهارى" دا ژ نیڤا نمرێن گشت تاقیکرنا پتر بدەست خوڤە بینیت.

9 – پێدڤیە قوتابی جلوبەرگێن تایبەت یێن وەرزشى ل گەل خودا بینیت بۆ چاڤپێکەڤتنا کەسایەتى و ئەو رۆژا تاقیکرنا ئەنجام ددەت.

10 – پێدڤیە قوتابی ل دەمێ پشکنینێن تەندروستى ئەنجامددەت هەمى دکیۆمێنتا وەک "پشکنینا دلى، سونەرا هناڤا، پشکنینا مێلاکێ، پشکنینا کوئەندامێ هەناسەیی، پشکنینا پیستى و پشکنینێن خوینێ، گرۆپێ خوینێ و رێژا هێموگلوبینى و چەوریێ و شەکرێ" ل گەل خۆدا بینیت.

11 –پێدڤیە قوتابی هاولاتیێ رەسەنێ کوردستانێ بیت و لایەنێ کێم ئاكنجیێ هەرێما کوردستانێ بیت.

ب ‌- مەرج بۆ وەرگرتنا قارەمان:

1 – یاریزانێن هەلبژارتیێ کوردستانێ و عیراقێ وەکو قارەمان دێ هێنە هژمارتن، ب مەرجەکی پێنج سال ل سەر ئەوێ قارەمانیێ هەتا رێکەڤتا پێشکێشکرنێ دەرباز نەبن.

2 – پلا ئێک هەتا پلا سێ ل سەر ئاستێ عیراقێ بدەست خۆڤە ئینابیت بۆ یاریێن تاک و کۆمەل، ب مەرجەکێ پێنج سال ل سەر ئەوێ قارەمانیێ هەتا رێکەڤتا پێشکێشکرنێ دەرباز نەبن.

3 – پلا ئێک هەتا پلا سێ ل سەر ئاستێ هەرێما کوردستانێ بدەست خۆڤە ئینابیت بۆ یاریێن تاک و کومەل، بمەرجەکێ پێنج سال ل سەر ئەوێ قارەمانیێ هەتا رێکەڤتا پێشکێشکرنێ دەرباز نەبن.

4 – پلا ئێک هەتا پلا سێ ل سەر ئاستێ پەروەردێن پارێزگەها و ئیدارێن سەربەخۆ یێن هەرێما کوردستانێ بدەست خۆڤە ئینابیت بۆ یاریێن تاک و کۆمەل، ب مەرجەکێ پێنج سال ل سەر ئەوێ قارەمانیێ هەتا رێکەڤتا پێشکێشکرنێ دەرباز نەبن.

5 – دڤێت قوتابی / خوێندکار دەرچوویێ خواندگەهێن سنورێ هەرێما کوردستانێ بیت یان ناوچێن کوردستانى یێن دەرڤەیی هەرێما کوردستانێ . بمەرجەکێ تاقیکرن بسیستەمێ هەرێما کوردستانێ ئەنجامدابن .

6 – کونمرە ژ 55 % کێمتر نەبیت ئەگەر کێمتر بوو دێ ب سیستەمێ پارالێل هێتە وەرگرتن.

7 – دەرچوویێن پەیمانگەهێن نە حکومى دێ ب سیستەمێ پارالێل هێنە وەرگرتن.

8 – تەمەن ژ 30 سالا زێدوتر نەبیت.

9 – دەرچوویێ هەمان سال بیت هەروەسا لیستا ناڤێن قارەمانان بەرى راگەهاندنا ئەنجامێن زانکۆلاین بهێنە رەوانەکرن بۆ رێڤەبەریا ناڤەندیا وەرگرتنێ، ب مەرجەکێ کودێ پلا دووازدێ ئامادەیی ل گەل قوتابی بیت، داکو ب سیستەمێن دی یێن زانکۆلاین پێشکێش نەکەن، ب مەرجەکێ ل چ زانکۆ و پەیمانگەهێن
حکومى و تایبەت" نە هاتبیتە وەرگرتن بۆ ئەڤێ چەندێ دێ سوزنامەک ژێ ھێتە وەرگرتن.

10 – دەرچوو ل دویڤ هژمارا داخوازکرى د پلانا زانکۆیێ و ل دویڤ کێبرکیێ ل سەر بنەمایێ کونمرا دێ هێنە وەرگرتن.

11 – پێدڤیە كونمرەیا پێشکێشکارێن دەرچوویێن خواندنێن پیشەیی "پیشەسازى، بازرگانى، کشتوکال، گەشت و گوزار" ژ 65 % کێمتر نەبیت.

12 – ددەمێ پێشبرکیێ دا کونمرا قوتابی ب رێژا 60 % دێ هێتە هژمارتن و کونمرا 40 % دێ ل سەر توانستا جەستەیی "اللیاقة البدنیة" بیت، ب مەرجەکێ دڤێت قوتابی د تاقیکرنێن توانستا جەستەیی دا دەربچیت و سەرکەڤیت.

13 – پێدڤیە کەسێ پێشکێشکار دکیۆمێنت هەبن و ژلایێ دەزگەھێن پەیوەندیدار ڤە ب فەرمی پشتگیری لێ بھێتە کرن وەکو:

أ – لیژنا ئۆلومپی یا کوردستان و عیراقێ.

ب‌ – نوینەراتیا لیژنێن ئولۆمپی یێن پارێزگەهان.

ت‌ – رێڤەبەریێن چالاکیێن وەرزشى یێن پەروەردا.

ث‌ – رێڤەبەریا گشتیا وەرزش و لاوان یا سەر ب وەزارەتا روشەنبیری ڤە.

14 – وەرگرتنا قارەمانا دێ ل دویڤ پلانا وەرگرتنا کۆلیژێ بیت ب مەرجەکێ ژ رێژا 15 % دەرباز نەبیت و 5 % یا ڤێ رێژێ دێ بۆ قارەمانێن پەیمانگەهێن وەرزشى ئەڤێن سەر ب وەزارەتا پەروەردێ ڤە بیت.

15 – قارەمان دێ تاقیکرنا بسپۆریا خۆ یا تایبەت ئەنجام دەت.

ج – مەرج بۆ وەرگرتنا پارالێل:

1 – پێدڤیە قوتابی دەرچوویێ پۆلا دووازدێ ئامادەیی پشكێن "زانستى یان وێژەیی" سالا خواندنێ 2022 – 2023 و 2019 – 2020 و 2021 – 2022 و 2022 – 2023بیت.

2 – پێدڤیە ژیێ قوتابی ژ 30 سالان زێدەتر نەبیت ئانکو ژدایک بوویێ 1993 و د سەردا بیت.

3 – دەرچوویێن کۆلیژ وپەیمانگەهێن حکومى دشێن درێژیێ ب خواندنا خۆ بدەن ل کۆلیژێ ب سیستەمێ پالێل، دەرچوویێن پۆلا دووازدێ پشكێن "زانستى و وێژەیی"بن، ب مەرجەکێ پێنج سال ب سەر دەرچوونا وی دەرباز نەبن.

4 – مەرجێ وەرگرتنێ دەربازبوون و سەركەڤتنە د تاقیکرنێن جەستەیی و کارامەیی ب رێژا 40 % وکونمرە ب رێژا 60 %.

5 – پێدڤیە قوتابی دەرچوویێ خواندگەهێن سنورێ هەرێما کوردستانێ بیت یان دەڤەرێن کوردستانى یێن دەرڤەیی هەرێما کوردستانێ. ب مەرجەکی تاقیکرن ب سیستەمێ هەرێما کوردستانێ ئەنجامدابن.

6 – پێدڤیە درێژاهیا قوتابیێ کور ژ 165 سم کێمتر نەبیت و درێژاهیا قوتابیا کچ ژ 155 سمکێمتر نەبیت، و پشکنینا flat foot دێ بۆ هێتەکرن.

تێبینى:

دێ لیژنەکا ناڤەندى ل سەر ئاستێ زانکویێ بۆ دویڤچوونا دوکیۆمێنتا پێکهێت.
تاقیکرنێن لێهاتنێ بۆ سالا خواندنێ 2023 – 2024 د دەمێ دیارکری دا ل سەرجەم زانکویێن هەرێمێ دێ هێنە ئەنجامدان.
فۆرم دێ ل رۆژانێن دەواما فەرمى هەر ژ دەمژمێر 9ـی سپێدێ هەتا دەمژمێر 1ـی نیڤرو هێنە دابەشكرن.
بۆ پتر پێزانینا پەیوەندیێ ب ئەڤێ ژمارا موبایلێ بکە 07504505729 هەر بۆ زانین ئەڤ ژمارا موبایلێ دێ ل رۆژانێن دەواما فەرمى ژ دەمژمێر 9ـی سپێدێ هەتا دەمژمێر 1ـی نیڤرو یێ کارا بیت.
كۆلیژا پەروەردا جەستەیی و زانستێن وەرزشی