پێشكێشكرنێ بۆ ھەردوو پشكێن شێوەكاری و دراما دەستپێكر

كولیژا هۆنەرێن جوان ل زانكۆیا دھۆك ئاگەهداریا وان قوتابیێن حەزا خواندنێ ل هەردوو پشکێن (هۆنەرێن شێوەکارى و درامایێ) هەی دكەت، کو هەر ژ ئەڤرۆ رۆژا سێشەمبى رێکەڤتى 1ـی تەباخێ 2023 دێ فۆرمێن پێشکێشکرنێ ل پشکێن ناڤبرى بۆ قوتابیێن (ئامادەیى، پەیمانگەها هۆنەرێن جوان و بەهرەمەندا) هێنە دابەشکرن.
فۆرم دێ تاکو رێکەڤتى 17ـی تەباخێ 2023 هێنە دابەشکرن. (بۆ زانین قوتابیێن ئێکمال ژى دشێن فۆرمێ وەرگرن و پشكداری تاقیکرنێ ببن، تاکو ئەنجامێن خولا دووێ دەردکەڤن، ئەگەر قوتابى ل تاقیکرنا پشکێ دەربازبوو و ل تاقیکرنا خۆ یا خولا دووێ ژى دەربازبوو؛ ل وى دەمى قوتابى دێ سەرکەڤتى هێتە هژمارتن).

مەرجێن وەرگرتنێ بۆ سالا خواندنێ 2023 - 2024
1 - دەرچوویێ ئامادەیەکێ بیت ژ ئامادەیێن هەرێما کوردستانێ و باوەرنامە ژ لایێ رێڤەبەریا گشتى یا پەروەردێ ڤە هاتبیتە پەسەندکرن.
2 - دەرچوویێ سالا خواندنێ 2021 – 2022 یان 2022 - 2023 بیت.
3 - تەمەن ژ 30 سالا زێدەتر نەبیت.
4 - تێکرایا نمرا وی یا ئامادەیى ژ 60ـێ کێمتر نەبیت.

دەرچوویێن پەیمانگەها هۆنەرێن جوان
1 - دەرچوویێ پەیمانگەهەکێ بیت ژ پەیمانگەهێن هەرێما کوردستانێ باوەرنامە ژ لایێ رێڤەبەریا گشتى یا پەروەردێ ڤە هاتبیتە پەسەندکرن.
2 - دەرچوویێ سالا خواندنێ 2022 – 2023 بیت.
3 - تەمەن ژ 30 سالا زێدەتر نەبیت.
4 - تێکرایا نمرا وی یا پەیمانگەهێ ژ 65ـێ کێمتر نەبیت.

بەهرەمەند (موهوب)
1 - دەرچوویێ ئامادەیەکێ یان پەیمانگەهەکێ بیت ل هەرێما کوردستانێ.
2 - تەمەن ژ 35 سالا زێدەتر نەبیت.
3 - پێدڤیە بەهرەمەند ئەندامێ سەندیکا هۆنەرمەندێن کوردستانێ بیت.
4 - هەمى بەلگە و داتایێن بەهرەدارییێ ل گەل سیڤى بۆ پێشکێشکرنێ د گەل دا بن.

پارالێل
1 - دەرچوویێ ئامادەیەکێ یان پەیمانگەهەکێ بیت ل هەرێما کوردستانێ.
2 - نمراوى ژ 55ـێ کێمتر نەبیت.

بەلگەنامێن پێدڤى
1 – چوار وێنەیێن كەسایەتی.
2 - کارتا نشتیمانى
3 - کارتا پێزانینا
4 - کۆپیەک ژ کارتا قوتابى، چ دەرچووی یان ئێکمال بیت.
5 - قوتابیێن ئامادەیى کارتا ئەزمۆنان، ئەوا کودێ وی یێ تایبەت ل سەر، ل گەل خۆ بینیت.

ژڤانێ تاقیکرنێ بۆ هەردوو پشکێن ناڤبرى دێ ب ڤى شێوێ ل خوارێ بیت:
پشکا هۆنەرێن شێوەکارى
1 - تاقیکرنا دەرچوویێن پەیمانگەها هۆنەرێن جوان، ل رۆژا دووشەمبى رێکەڤتی 21/ 8/ 2023.
2 - تاقیکرنا دەرچوویێن ئامادەیى، ل رۆژا سێشەمبى رێکەڤتى 22/ 8/ 2023.
3 - تاقیکرنا پارالێل و بەهرەمەندا، ل رۆژا چوارشەمبى رێکەڤتى 23/ 8/ 2023.

پشکا دراما
1 - تاقیکرنا دەرچوویێن پەیمانگەها هۆنەرێن جوان و بەهرەمەندا، ل رۆژا دووشەمبى رێکەڤتی 21/ 8/ 2023.
2 - تاقیکرنا دەرچوویێن ئامادەیى و پارالێل، ل رۆژا سێشەمبى رێکەفتى 22/ 8/ 2023.

بۆ زانین تاقیکرن دێ ل دەمژمێر 9ـی سپێدێ دەستپێکەن، هەر قوتابیەکێ بڤێت پێشكێشى ڤان پشکا بکەت، پێدڤیە سەرەدانا پشکێ بکەن بۆ خۆتۆمارکرن و وەرگرتنا رێنما و کەرەستێن پێدڤى بۆ تاقیکرنێ.