بەلاڤکرنا فورمان .

کولیژا پەروەردا جەستەیی و زانستێن وەرزشى/ زانکویا دهوک مزگینیێ ددەتە قوتابیێن خوشتڤی کو دەرگەهێ پێشکێشکرنێ بو کولیژا مە ڤەبو بو پارڤەکرنا فورمێن وەرگرتنا راستەوخو بو سالا خواندنێ (2026/2027)کو دێ لروژا ئێک شەمبى رێکەفتى (16-8-2026) دەستپێکەت
-بەلگەنامێن پێدڤی
1- کارتا نشتیمانى ( کوپیەکا رەنگاو ورەنگ ) .
2- وێنێن رەنگاو و رەنگ ( دوو ) دانە .
3- کارتا ئەزموونان ( کوپیەکا رەنگاو ورەنگ ) .
4- نمرە یان باوەرناما دەرچوونێ یا باوەرپێکرى ( رەسەن یان کوپیەکا رەنگاو ورەنگ ).
5- كارتا ووشا تێپەر وبەکارهێنەر.

مەرج و رێنمایێن وەرگرتنێ لکولیژ و سکول و بەشێن وەرزشى .
أ‌- دەرچوویێن پولا دووازدێ ئامادەیی

1- دڤێت قوتابی / خوێندکار دەرچوویێ پولا دووازدێ ئامادەیی بەشێن ( زانستى یان وێژەیی ) سالا خواندنێ (2025/2024) و( 2025-2026) بیت ، سەبارەت قوتابی / خوێندکارێن دەرچوویێن سالا خواندنێ ( 2024/2025) مافێ هەیی داخوازیێ پێشکێش بکەت بمەرجەکێ ل هیچ کولیژەک یان پەیمانگەهەکێ نە هاتبیتە وەرگرتن ، و سوزنامەک ژێ بهێتە وەرگرتن لسەر ئەڤێ چەندێ
2- دڤێت قوتابی / خوێندکار دەرچوویێ خواندگەهێن سنورێ هەرێما کوردستانێ بیت یان ناوچێن کوردستانى یێن دەرڤەیی هەرێما کوردستانێ . بمەرجەکێ تاقیکرن بسیستەمێ هەرێما کوردستانێ ئەنجامدابن .
3- قوتابی / خوێندکار دڤێت ژدایک بوویێ سالا (2001) یان سەردا بیت .
4- پێتڤی یە تێکرایێ نمرێن قوتابی / خوێندکا ژ ( 55% ) کێمتر نەبیت بو هەردوو رەگەزا .
5- ددەمێ پێشبرکیێ دا کونمرا قوتابی برێژا ( 60% ) دێ هێتە هژمارتن و کونمرا (40%)ێ دێ لسەر توانستا جەستەیی ( اللیاقة البدنیة )بیت ، بمەرجەکێ دڤێت قوتابی د تاقیکرنێن توانستا جەستەیی دەربچیت و سەرکەڤیت .
6- دڤێت درێژاهیا قوتابی / خوێندکارێ ( کور )ژ (165سم) کێمتر نەبیت و درێژاهیا قوتابی / خوێندکارا ( کچ )ژ (155سم) کێمتر نەبیت .
7- دڤێت قوتابی / خوێندکار دپشکنینێن تەندروستى گشتى دەربچیت .
8- دڤێت قوتابی / خوێندکار د چاڤپێکەفتنا کەسایەتى و تاقیکرنێن جەستەیی ( اللیاقة البدنیة ) و ( تەکنیکى ، کارامەیی ، مهارى ) دا ژ نیڤا نمرێن گشت تاقیکرنا پتر بدەست خوڤە بینیت .
9- دڤێت قوتابی / خوێندکار جل و بەرگێن تایبەتێن وەرزشى دگەل خودا بینیت بو چاڤپێکەفتنا کەسایەتى بو ئەو روژا تاقیکرنان ئەنجام ددەت .
10- دڤێت قوتابی / خوێندکار لدەمێ پشکنینێن تەندروستى ئەنجامددەت هەمى دوکیومێنتا وەک ( پشکنینا دلى ، سونەرا هنڤا ، پشکنینا مێلاکێ ، پشکنینا کوئەندامێ هەناسەیی ، پشکنینا پیستى و پشکنینێن خوینێ ) گروپێ خوینێ و رێژا هێموگلوبینى و چەوریێ و شەکرێ دگەل خودا بینیت .
11- دڤێت قوتابی / خوێندکار هاولاتیێ رەسەنێ کوردستانێ بیت و لایەنێ کێم دانشتیێ هەرێما کوردستانێ بیت .

ب‌- قارەمان .

12- دڤێت قوتابی / خوێندکار دەرچوویێ پولا دووازدێ ئامادەیی بەشێن ( زانستى یان وێژەیی ) سالا خواندنێ ( 2025-2026) بیت ، سەبارەت قوتابی / خوێندکاێن دەرچوویێن سالا خواندنێ ( 2024/2025) مافێ هەیی داخوازیێ پێشکێش بکەت بمەرجەکێ ل هیچ کولیژەک یان پەیمانگەهەکێ نە هاتبیتە وەرگرتن ، و سوزنامەک ژێ بهێتە وەرگرتن لسەر ئەڤێ چەندێ
1- یاریزانێن هەلبژارتیێ کوردستان و عیراقێ وەکو قارەمان دێ هێنە هژمارتن ، بمەرجەکێ پێنج سال تێنەپەربیت لسەر ئەو قارەمانیێ هەتا رێکەفتا پێشکێشکرنا وەرگرتنێ .
2- پلا ئێک هەتا پلا سێ بدەست خوڤە ئینابیت لسەر ئاستێ عیراقێ بو یاریێن تاک و کومەل ، بمەرجەکێ پێنج سال تێنەپەربیت لسەر ئەو قارەمانیێ هەتا رێکەفتا پێشکێشکرنا وەرگرتنێ .
3- پلا ئێک هەتا پلا سێ بدەست خوڤە ئینابیت لسەر ئاستێ هەرێما کوردستانێ بو یاریێن تاک و کومەل ، بمەرجەکێ پێنج سال تێنەپەربیت لسەر ئەو قارەمانیێ هەتا رێکەفتا پێشکێشکرنا وەرگرتنێ .
4- پلا ئێک بدەست خوڤە ئینابیت لسەر ئاستێ پەروەردێن پارێزگەها و ئیدارێن سەربەخو یێن هەرێما کوردستانێ بو یاریێن تاک و کومەل ، بمەرجەکێ پێنج سال تێنەپەربیت لسەر ئەو قارەمانیێ هەتا رێکەفتا پێشکێشکرنا وەرگرتنێ .
5- دڤێت قوتابی / خوێندکار دەرچوویێ خواندگەهێن سنورێ هەرێما کوردستانێ بیت یان ناوچێن کوردستانى یێن دەرڤەیی هەرێما کوردستانێ . بمەرجەکێ تاقیکرن بسیستەمێ هەرێما کوردستانێ ئەنجامدابن .
6- کونمرە کێمتر نەبیت ژ (50%).
7- دەرچوویێن پەیمانگەهێن نە حکومى دێ بسیستەمێ پارالێل هێنە وەرگرتن .
8- تەمەن ژ (30)سالان پتر نەبیت .
9- دەرچوویێ هەمان سال بیت و هەروەسا لیستا ناڤێن قارەمانان بەرى راگەهاندنا ئەنجامێن زانکولاین بهێنە رەوانەکرن و رێڤەبەریا ناڤەندیا وەرگرتنێ ، بمەرجەکێ کودێ پلا دووازدێ ئامادەیی دگەل قوتابی بیت داکو ب سیستەمێن دی یێن زانکو لاین پێشکێش نەکەن ، بمەرجەکێ ل هیچ زانکو و پەیمانگەهێن ( حکومى و ئەهلى – تایبەت ) نە هاتبیتە وەرگرتن و سوزنامەکێ پێ بهێتە پرکرن
10- دەرچوو لدیف هژمارا داخوازکرى دپلانا زانکویان دا و لدیف کێبرکیێ لسەر بنەمایێ کونمران دێ هێنە وەرگرتن .
11- ددەمێ پێشبرکیێ دا کونمرا قوتابی برێژا ( 60% ) دێ هێتە هژمارتن و کونمرا (40%)ێ دێ لسەر توانستا جەستەیی ( اللیاقة البدنیة )بیت ، بمەرجەکێ دڤێت قوتابی د تاقیکرنێن توانستا جەستەیی دەربچیت و سەرکەڤیت .
12- پێویستە کەسێ پێشکێشکار دوکیومێنت هەبن و ژلایێ دەزگایێن پەیوەندیدار بفەرمی پشتگیرێ لێکربیت وەکو :
أ‌- لیژنا ئولومپی کوردستان و عیراق.
ب‌- نوینەراتیا لیژنێن ئولومپیێن پارێزگەهان .
ت‌- رێڤەبەریێن چالاکیێن وەرزشیێن پەروەردان .
ث‌- رێڤەبەریا گشتیا وەرزش و لاوان سەر ب وەزارەتا روشەنبیری .
13- وەرگرتنا قارەمانا دێ لدیف پلانا وەرگرتنا کولیژ و سکول و بەشێن وەرزشى بیت بمەرجەکێ ژ رێژا (15%) تێپەر نەبیت و (5%) یا ئەفێ رێژەیێ دێ بو قارەمانێت پەیمانگەهێن وەرزشى بیت ئەڤێن سەر بوەزارەتا پەروەردێ .
14- قارەمان دێ تاقیکرنا بسپوریا خو یا تایبەت ئەنجام دەت .
15- لیژنەکا ناڤەندى پێک بهێت لسەر ئاستێ زانکویێ بو دییفچوونا دیکیومێنتا
16- بو سالا خواندنێ ( 2025/2026) پێشکێشکرن و تاقیکرنێن لێهاتنێ دئێک دەمێ دیارکرى لسەرجەم زانکویێن هەرێمێ بهێنە ئەنجامدان .

پارالێل

1- دڤێت قوتابی / خوێندکار دەرچوویێ پولا دووازدێ ئامادەیی بەشێن ( زانستى یان وێژەیی ) سالا خواندنێ (2024/2025) و (2025/2026) بیت ،
2- کونمرە کێمتر نەبیت ژ (50%).
3- دڤێت ژیێ قوتابی ژ (30) سالان پتر نەبیت ئانکو ژدایک بوویێ (1996) و سەردا بیت
4- دەرچوویێن کولیژ وپەیمانگەهێن حکومى دشێن درێژیێ ب دەنە خواندنا خو لکولیژێ ب سیستەمێ پارالێل، دەرچوویێ پولا دووازدێ (زانستى و وێژەیی)بن ، ب مەرجەکێ پێنج سال ب سەر دەرچوونا وی نە دەربازببن.
5- مەرجێ وەرگرتنێ تێپەرینە ژ تاقیکرنێن جەستەیی و کارامەیی ب رێژا (40%) وکونمرە ب رێژا (60%)
6- دڤێت قوتابی / خوێندکار دەرچوویێ خواندگەهێن سنورێ هەرێما کوردستانێ بیت یان ناوچێن کوردستانى یێن دەرڤەیی هەرێما کوردستانێ . بمەرجەکێ تاقیکرن بسیستەمێ هەرێما کوردستانێ ئەنجامدابن .
7- دڤێت درێژاهیا قوتابی / خوێندکارێ ( کور )ژ (165سم) کێمتر نەبیت و درێژاهیا قوتابی / خوێندکارا ( کچ )ژ (155سم) کێمتر نەبیت . وپشکنینا (flat foot) دێ بو هێتە کرن.

تێبینى :-
• فورم دێ روژانێن دەواما فەرمى هەر ژ دەمژمێر (9:00)ێ سپێدێ هەتا دەمژمێر (1:00)ێ نیڤرو هێنە پارڤەکرن .
• بو پتر پێزانینا پەیوەندیێ ب ئەڤێ ژمارا موبایلێ بکە (07504505729) هەر بو زانین ئەڤ ژمارا موبایلێ دێ لروژانێن دەواما فەرمى هەر ژ دەمژمێر (9:00)ێ سپێدێ هەتا دەمژمێر (1:00)ێ نیڤرو یێ کارا بیت